ऋषी पोरतेट अपघात जखमी

ठळक मुद्देजिल्हा परिषद सदस्य : चारचाकी वाहनाची ट्रकला धडक

ऑनलाईन लोकमत
मुलचेरा : बांबू भरून मार्गाच्या बाजूला उभ्या असलेल्या ट्रकला जिमलगट्टा-पेठा क्षेत्राचे जिल्हा परिषद सदस्य ऋषी पोरतेट यांच्या चारचाकी वाहनाने धडक दिली. या धडकेत ऋषी पोरतेट व त्यांच्या सोबत असलेले सुरेश रसपल्ली हे जखमी झाले आहेत. सदर अपघात लगाम गावाजवळ रात्री ९ वाजताच्या सुमारास घडला.
ऋषी पोरतेट हे एमएच-३३-व्ही-०५४४ या क्रमांकाच्या बोलोरे वाहनाने बोरीवरून लगामकडे येत होते. दरम्यान याच मार्गावर एमडब्ल्यूवाय-२६५८ क्रमांकाचा बांबू भरलेला ट्रक उभा होता. या ट्रकला बोलोरेने धडक दिली. यामुळे ऋषी पोरतेट यांच्या डोक्याला मार लागला. लगाम येथे प्राथमिक उपचार केल्यानंतर त्यांना चंद्रपूर येथे हलविण्यात आले आहे.