विद्यानगरातील रस्ते व नाली बांधकामासह पाण्याची समस्या साेडवा

आरमोरी नगर परिषदेंतर्गत प्रभाग क्रमांक १ विद्यानगरजवळील मुख्य रस्त्यापासून इटियाडोह काॅलनीपर्यंत नाली व रस्त्याचे काम करावे, वडसा मुख्य रस्त्यालगत पूल रुंदीकरण, सोलर पाणी पुरवठा अंतर्गत ओम शांती भवनजवळ ट्यूब वालवरती तयार करून भैसारे ते काशीनाथ पोटफोडे यांच्या घरापर्यंत बांधकाम करावे, ओमशांती भवन ते वसंतराव खोब्रागडे यांच्या घरापर्यंत सोलर पाणीपुरवठा योजना देण्यात यावी. नळाचे पाणी नियमित देण्यात यावे, आदी मागण्यांचा निवेदनात सहभाग हाेता. निवेदनातील मागण्यांचा सविस्तर विचार करून त्या मान्य कराव्या, अन्यथा तीव्र आंदोलन छेडण्यात येईल, असा इशारा देण्यात आला. निवेदन देताना काँगेस सेवादलाचे जिल्हाध्यक्ष राजू गारोदे, विनोद नेऊलकर, जयप्रकाश रामटेके, सुधीर जुमनाके, ललित उंदीरवाडे, भावना बारसागडे, रेखा सयाम, रेखा दिघोरे, चंदा कुळमेथे, चिना चोपडे, अनुज्ञा बरडे, मीना गजभिये, कोकिळा बोरकर, अनिता पाटील, माधुरी गुंडरवार, अनुराधा ठाकूर, आशिष खोब्रागडे, गीता खोब्रागडे आदी उपस्थित होते.