कार व दुचाकी अपघातात शिक्षक व तलाठी जखमी

आलापल्ली : आलापल्ली-अहेरी मार्गावर नागेपल्लीनजीकच्या लाेकबिरादरी प्रकल्पाजवळ कार व दुचाकीच्या अपघातात दाेघेजण जखमी झाल्याची घटना साेमवारी उघडकीस आली आहे. तलाठी रितेश चिंदमवार व शिक्षक ओमप्रकाश गर्गम असे जखमींची नावे आहेत.

लगामचे तलाठी रितेश चिंदमवार हे एमएच ३३ व्ही १५३१ क्रमांकाच्या कारने अहेरीवरून आलापल्लीकडे येत हाेते तर शिक्षक ओमप्रकाश गर्गम हे एमएच ३३ पी ५७४२ क्रमांकाच्या दुचाकीने अहेरीवरून आलापल्लीकडे जात हाेते. दरम्यान कार व दुचाकीचा अपघात झाला. कारचा दर्शनी भाग पूर्णत: क्षतिग्रस्त झाला असून कार राेडच्या कडेला झाडाला घासत उभी झाली. दुचाकी सुद्धा माेठ्या प्रमाणात क्षतिग्रस्त झाली. जखमी झालेल्या दाेघांनाही अहेरी येथील उपजिल्हा रुग्णालयात औषधाेपचारासाठी भरती करण्यात आले.

या घटनेचा पुढील तपास सहाय्यक पाेलीस निरीक्षक बाळसाहेब शिंदे करीत आहेत.