साडेतीन लाखांचा सडवा केला नष्ट

गडचिराेली : स्थानिक गुन्हे शाखेच्या पथकाने २ जानेवारीला गुंडापल्ली जंगल परिसरात शाेधमाेहीम राबवून ३५ ड्रम माेहफूल सडवा व माेहफुलाची दारू जप्त करून नष्ट केली आहे. त्याची किंमत ३ लाख ६६ हजार रुपये एवढी आहे. गुंडपल्ली जंगल परिसरात हातभट्टी लावून माेहफुलाची दारू काढली जात असल्याची गाेपनीय माहिती स्थानिक गुन्हे शाखेच्या पथकाला प्राप्त झाली. त्यानुसार या परिसरात शाेधमाेहीम राबविली असता, तुंबडी नाल्यालगत माेहफुलाची हातभट्टी आढळली. एका हातभट्टीवर १०० लिटर क्षमतेच्या १८ प्लास्टीक ड्रममध्ये माेहसडवा आढळून आला. प्रतिलिटर १०० रुपयांप्रमाणे या माेहसडव्याची किंमत १ लाख ८० हजार रुपये आहे. दुसऱ्या हातभट्टीवर १७ ड्रम आढळून आले. तिसऱ्या भट्टीवर ८० लिटर माेहफुलाची दारू आढळून आली. या सर्वांची किंमत ३ लाख ६६ हजार रुपये एवढी हाेते.

घटनास्थळावरच सडवा, प्लास्टिक पिशव्या, कॅन नष्ट करण्यात आल्या. याप्रकरणी सुभाषग्राम येथील पप्पू भक्त, नरेश भक्त या दाेघांविराेधात गुन्हा दाखल करण्यात आला आहे. हे दाेन्ही आराेपी फरार आहेत.