ट्रकची कारला समोरासमोर धडक; एक गंभीर, दोन किरकोळ जखमी

छत्तीसगड येथील जगदलपूरवरून सागर पदमतिंटीवार हे आपल्या परिवारासह चंद्रपूरला एका नातेवाइकाकडे वास्तूच्या कार्यक्रमाला आपल्या कारने (सीजी १७, केई ३७००) निघाले होते. याच वेळी आलापल्ली-सिरोंचामार्गे कर्नाटक येथे जाणाऱ्या ट्रकने (टीएन ५२, जे ९३५७) आलापल्लीपासून ६ किमी अंतरावर नागदेवता मंदिरानजीक त्यांच्या कारला समोरून धडक दिली. या अपघातात कार रस्त्यावरून नजीकच्या जंगलात १० फूट आत घुसली. कार चालक सागर पदमतिंटीवार हे गंभीर जखमी झाले. त्यांची पत्नी व एक लहान बाळ जखमी झाले असून, त्यांच्यावर आलापल्ली येथील खासगी रुग्णालयात प्राथमिक उपचार करण्यात आले, पण सागर यांच्या डोक्याला व हातापायाला जबर मार लागल्याने, त्यांना पुढील उपचारासाठी चंद्रपूर येथे हलविण्यात आले. अधिक तपास अहेरीचे पोलीस निरीक्षक प्रवीण डांगे यांच्या मार्गदर्शनात सुरू आहे.

===Photopath===

300621\1822-img-20210630-wa0002.jpg~300621\30gad_3_30062021_30.jpg

===Caption===

कार आणि ट्रक च्या समोरासमोर धडकेत एक गंभीर, दोन जखमी~30gdph14.jpg(ट्रकच्या धडकेने रस्त्यालगतच्या जंगलात गेलेली कार)