ट्रक उलटला; चालक जखमी

छत्तीसगड राज्यातून हैदराबादकडे लोखंडाची वाहतूक करणारा ट्रक

वैरागडनजीकची घटना : लोखंडाची केली जात होती वाहतूक
वैरागड : छत्तीसगड राज्यातून हैदराबादकडे लोखंडाची वाहतूक करणारा ट्रक वैरागडनजीक रांगी-धानोरा टी पार्इंटजवळ रस्त्याच्या बाजुला असलेल्या खड्ड्यात उलटल्याने चालक जखमी झाल्याची घटना बुधवारी सायंकाळी ५ वाजताच्या सुमारास वैरागड-आरमोरी मार्गावर घडली.
छत्तीसगड राज्यातून हैदराबादकडे लोखंडी सळाख घेऊन जाणारा एपी २९ टीए २२५५ क्रमांकाचा ट्रक वैरागडनजीक रांगी-धानोरा टी पार्इंटवर आरमोरीकडून येणाऱ्या अज्ञात दुचाकीस्वाराला वाचविण्याच्या प्रयत्नात रस्त्याच्या बाजुला असलेल्या खड्ड्यात उलटला. यात ट्रकचालक व्यंकय्या (५०) हा किरकोळ जखमी झाला. त्याला तालुका कृषी व मंडळ अधिकाऱ्यांनी वैरागडच्या प्राथमिक आरोग्य केंद्रात उपचारासाठी दाखल केले. वैरागड परिसरात गेल्या आठ-दहा दिवसांपासून अपघाताची मालिका सुरू झाली आहे. या मार्गावरून छत्तीसगड राज्याचे जड वाहन मोठ्या प्रमाणावर जातात. (वार्ताहर)