तरुणांना काँग्रेसमध्ये जोडण्यासाठी प्रयत्न करा

आरमोरी : कोरोना काळात युवक काँग्रेसने गरीब लोकांच्या मदतीला धावून जाऊन जे कार्य केले ते अविस्मरणीय व कौतुकास्पद कार्य आहे. या उपक्रमात सहभागी होऊन अनेक ग्रामीण भागातील तरुण आज युवक काँग्रेसशी जुळत आहेत. अशा तरुणांना आगामी काळात संघटनेत सहभागी करून संघटन मजबूत करण्यावर भर द्यावा, असे आवाहन माजी आमदार आनंदराव गेडाम यांनी केले.

युवक काँग्रेसची महत्त्वपूर्ण आढावा बैठक गुरुवारी आरमोरी स्थानिक विश्रामगृहात पार पडली. यावेळी बैठकीत मार्गदर्शन करताना अध्यक्षस्थानावरून माजी आ. गेडाम बोलत होते. कार्यक्रमाला विशेष अतिथी म्हणून गडचिरोली जिल्हा युवक काँग्रेसचे अध्यक्ष महेंद्र बाम्हणवाडे, जिल्हा परिषदेचे माजी समाजकल्याण सभापती विश्वास भोवते, रजनिकांत मोटघरे, सोशल मीडिया महासचिव नंदु वाईलकर, जिल्हा परिषद सदस्य मनिषा दोनाडकर, जितेंद्र मुनघाटे, सत्यवान वाघाडे, विधानसभा युवक काँग्रेसचे महासचिव मयुर वनमाळी, सरपंच विलास बावणे, तालुका काँग्रेसचे उपाध्यक्ष भुपेश कोलते, अंकुश गाढवे, महादेव मडकाम, सरपंच टिकेश कुमरे, गौरव येनप्रेद्दीवार, सचिन दरडे, मयूर गावतुरे, सचिन दरडे, कुणाल ताजने आदी उपस्थित होते.

याप्रसंगी युवक काँग्रेसचे अध्यक्ष महेंद्र बाम्हणवाडे यांनी युवक काँग्रेस तळागाळात पोहोचवून गाव तिथे शाखा स्थापन करून लोकांच्या मदतीसाठी प्रयत्न करू, असे सांगितले. यावेळी माजी जिल्हा परिषद सभापती विश्वास भोवते व जिल्हा परिषद सदस्य मनिषा दोनाडकर यांनीही मार्गदर्शन केले.

कोरोना काळात जिल्ह्यातील व जिल्ह्याबाहेरील गरीब लोकांना सतत भोजनदान, रक्त पुरवठा, आरोग्याच्या समस्या निराकरणासाठी भरीव कामगिरी केल्याबद्दल माजी आमदार आनंदराव गेडाम यांच्या हस्ते महेंद्र बाम्हणवाडे यांचा सत्कार करण्यात आला.

संचालन मिलिंद खोब्रागडे यांनी केले तर आभार प्रवीण राहाटे यानी मानले.

यशस्वीतेसाठी दिलीप घोडाम, श्रीकांत वैद्य, नीलेश अंबादे, प्रीतम धोडने, रुपेश जौजालकर, सुरज भोयर, खेमराज पाटील, विवेक खोब्रागडे, गोविंदा ढोरे, सुरज सोमनकर, सतीश राऊत, आशिष नेवारे, श्रावण डोंगरवार, जय पिंपळकार, अक्षय भोवते, अतिष फटाले, प्रशांत राऊत, सचिन वडे, अनिल भोयर, पीयुष पेन्दाम, नीलेश सडमाके, संतोष प्रधान आदींनी सहकार्य केले.

100921\img-20210910-wa0044.jpg

युवक कांग्रेसच्या बैठकीत बोलताना माजी आ. आनंदराव गेडाम