दोन नगर पंचायती वसुलीत मागे

गडचिरोली जिल्ह्यात तालुका मुख्यालयाच्या ठिकाणी एकूण १० नगर पंचायती आहेत.

३० टक्क्यांवर गृहकर वसुली : अहेरी, सिरोंचा नगर पंचायतीसमोर उद्दिष्ट गाठण्याचे आव्हान
गडचिरोली : गडचिरोली जिल्ह्यात तालुका मुख्यालयाच्या ठिकाणी एकूण १० नगर पंचायती आहेत. या १० पैकी अहेरी व सिरोंचा या दोन नगर पंचायतींची सन २०१६-१७ या वर्षात गृहकर वसुली ३० टक्क्याच्या आसपास आहे. इतर आठ नगर पंचायतीची वसुली ४५ टक्क्यांच्या वर आहे. गृहकर वसुलीत अहेरी व सिरोंचा या दोन नगर पंचायती माघारल्या असल्याचे दिसून येत आहे.
आरमोरी नगर पंचायतीची जुनी थकीत गृह कराची मागणी ७१ लाख ३७ हजार ८५४ व चालू वर्षाची ७१ लाख ९९ हजार ८८९ अशी एकूण १ कोटी ४३ लाख ३७ हजार ७०३ रूपये आहे. यापैकी सदर नगर पंचायत प्रशासनाने फेब्रुवारी २०१७ अखेरपर्यंत ५३ लाख ७० हजार ९२४ रूपयांची गृह कर वसुली केली. या कर वसुलीची टक्केवारी ३७.४३ आहे.
कुरखेडा नगर पंचायतीची जुनी थकीत ६ लाख ४ हजार ९४१ रूपये व चालू वर्षाची ६ लाख ६६ हजार ८१५ रूपये असे एकूण १२ लाख ७१ हजार ७५६ रूपयांची मागणी आहे. यापैकी नगर परिषद प्रशासनाने ५ लाख ७२ हजार ४८० रूपयांची कर वसुली केली असून या वसुलीची टक्केवारी ४५.०१ आहे.
कोरची नगर पंचायतीची शहर वासीयांकडे जुनी थकीत २ लाख ५४ हजार ३१२ व चालू वर्षाची ४ लाख ४ हजार ११९ अशी एकूण ६ लाख ५८ हजार ४३१ रूपयांची मागणी होती. यापैकी नगर पंचायतीने ३ लाख ५ हजार २७६ रूपयांची कर वसुली फेब्रुवारी अखेरपर्यंत केली. या कर वसुलीची टक्केवारी ४५.६७ आहे. धानोरा नगर पंचायतीची जुनी थकीत ५ लाख ३६ हजार ९५१ व चालू वर्षाची ६ लाख ५० हजार ८६८ अशी एकूण ११ लाख ८७ हजार ८१९ रूपयांची गृह कराची मागणी होती. यापैकी धानोरा न.पं.ने ४ लाख ८४ हजार ३२० रूपये कर वसुली फेब्रुवारी अखेरपर्यंत केली. या कर वसुलीची टक्केवारी ४०.७७ आहे.
चामोर्शी नगर पंचायतीची जुनी थकीत ३१ लाख ६४ हजार ५७८ व चालू वर्षाची ३४ लाख ६० हजार ९०५ अशी एकूण ६६ लाख २५ हजार ४८३ रूपयांची गृह कर मागणी होती. यापैकी न.पं.ने फेब्रुवारी अखेरपर्यंत ३९ लाख १७ हजार १८८ रूपयांची कर वसुली केली. या वसुलीची टक्केवारी ५९.१२ आहे. मुलचेरा नगर पंचायतीची जुनी थकीत २१ हजार १३० व चालू वर्षाची २ लाख ६८ हजार १०२ अशी एकूण २ लाख ८९ हजार २३२ रूपयांची गृहकर मागणी होती. यापैकी न.पं.ने १ लाख २८ हजार ८९५ रूपयांची वसुली केली. सदर गृहकर वसुलीची टक्केवारी ४४.५६ आहे. एटापल्ली नगर पंचायतीची जुनी थकीत ९ लाख ९८ हजार १२९ व चालू वर्षाची १० लाख ८७ हजार ११३ अशी एकूण २० लाख ८५ हजार २४२ रूपये गृहकर मागणी होती. यापैकी न.पं.ने ८ लाख ५५ हजार ८८० रूपयांची गृहकर वसुली केली असून याची टक्केवारी ४१.०४ आहे.
भामरागड नगर पंचायतीची जुनी थकीत ३ लाख ८९ हजार ३१५ व चालू वर्षाची ४ लाख १६ हजार ८३५ अशी एकूण ८ लाख ६ हजार १५० रूपये गृहकर मागणी होती. यापैकी न.पं.ने फेब्रुवारी अखेरपर्यंत ३ लाख २९ हजार ७६९ रूपयाची गृहकर वसुली केली असून याची टक्केवारी ४०.९१ आहे.
अहेरी व सिरोंचा नगर पंचायती गृहकर वसुलीत पिछाडीवर आहेत. अहेरी नगर पंचायतीची जुनी थकीत ४५ लाख ५४ हजार ६०१ व चालू वर्षाची ३६ लाख २० हजार ३३५ अशी एकूण ८१ लाख ७४ हजार ९३६ रूपये गृहकर मागणी होती. यापैकी न.पं.ने फेब्रुवारी अखेरपर्यंत २१ लाख २५ हजार ६५६ रूपये गृहकर वसुली केली असून याची टक्केवारी २६ आहे. तर सिरोंचा नगर पंचायतीची जुनी थकीत १८ लाख ९८ हजार ९११ व चालू वर्षाची १४ लाख १३ हजार ७३४ अशी एकूण ३३ लाख १२ हजार ६४५ रूपये गृहकराची मागणी होती. यापैकी न.पं.ने केवळ ९ लाख ८१ हजार २८५ रूपये गृहकर वसुली फेब्रुवारीअखेरपर्यंत केली. या कर वसुलीची टक्केवारी २९.६२ आहे. (स्थानिक प्रतिनिधी)

रिक्त पदाची समस्या कायमच
२३ एप्रिल २०१५ च्या निर्णयानुसार शासनाने गडचिरोली जिल्ह्यातील १० तालुका मुख्यालयाच्या ग्रामपंचायतींना नगर पंचायतीचा दर्जा दिला. या नगर पंचायतीमध्ये कर्मचाऱ्यांची अनेक पदे रिक्त आहेत. विशेष म्हणजे, धानोरा नगर पंचायतीत मनुष्यबळ कमी असल्याने त्याचा परिणाम गृह व पाणी कर वसुलीवर होत आहे. अनेक नगर पंचायतीत मुख्याधिकारीही प्रभारी आहेत. रिक्त पदांमुळे नगर पंचायतीच्या प्रशासकीय कामकाजाची गती कमी आहे.