दहावीची परीक्षा रद्द केली; परीक्षा शुल्क कधी परत करणार?

गडचिराेली जिल्ह्याच्या दुर्गम, ग्रामीण व शहरी भागातील हजाराे विद्यार्थ्यांनी इयत्ता दहावीच्या परीक्षांचे फार्म भरले आहेत. ऑनलाइन वर्गही त्यांनी केले. मात्र परीक्षाच न झाल्याने विद्यार्थ्यांचा पूर्णत: हिरमाेड झाला.

काेट ....

इयत्ता दहावीच्या विद्यार्थ्यांचे परीक्षा शुल्क थेट चालानद्वारे परीक्षा मंडळ नागपूरच्या बॅंक खात्यात वळते झाले आहेत. परीक्षा रद्द झाली असली तरी परीक्षा शुल्क परत करण्याबाबतचा काेणताही निर्णय व तशा सूचना वरिष्ठ कार्यालयाकडून आमच्या कार्यालयाला मिळाल्या नाही. परीक्षा आयाेजित करणे, बैठक व्यवस्था राखणे ही जबाबदारी आमच्याकडे असते.

- रमेश उच्चे, उपशिक्षणाधिकारी (माध्य) जि. प. गडचिराेली

काेट ...

काेराेनामुळे शाळा बंद असल्याने आम्ही विद्यार्थी ऑनलाइन वर्ग केले. शाळेतील शिक्षकांच्या मार्गदर्शनानुसार आम्ही सर्व विद्यार्थ्यांनी परीक्षा फार्म भरले. मात्र परीक्षा रद्द झाल्याने निकालाबाबत अनिश्चितता आहे.

- संगीता वाटगुरे, विद्यार्थिनी

काेट .....

परीक्षा फार्म भरल्यानंतर घरूनच परीक्षेची तयारी केली. प्रत्यक्ष वर्ग न भरल्याने अनेकदा अभ्यासात अडचणी आल्या. शिक्षकांकडून त्याचे निरसन करून घेतले. परीक्षा रद्द झाल्या असल्या तरी शुल्क परत मिळते की नाही, याबाबत माहिती नाही. - विनाेद करंगामी, विद्यार्थी

काेट......

परीक्षा रद्द झाली असल्याने आम्ही भरलेल्या परीक्षा शुल्काची रक्कम शासनाने परत करावे. ही रक्कम दुसऱ्या काेणत्याही कामात कुटुंबीयांना उपयाेगात येऊ शकते.

- संदीप रायपुरे, विद्यार्थी

बाॅक्स ....

३८३ - जिल्ह्यातील एकूण माध्यमिक शाळा

४२० - प्रति विद्यार्थी परीक्षा शुल्क

१५,३०२ - दहावीतील एकूण विद्यार्थी

६४,२६,८४० - परीक्षा शुल्काची एकूण रक्कम