कुडचडेत चौथ्या मजल्यावरून शिक्षिकेने मारली उडी

अनिता यांचा मृतदेह उत्तरणीय तपासणीसाठी मडगाव जिल्हा इस्पितळामधे पाठविण्यात आला आहे, अशी माहिती कुडचडे पोलिसांनी दिली.

ख्रिस्तानंद पेडणेकर

केपे : कारीयामोड्डी - कुडचडे येथील एका चार मजली इमारतीवरून शिक्षिका अनिता फर्नांडिस (वय ५४) या महिलेने उडी मारल्याने तिचा मृत्यू झाला. मंगळवारी सकाळी साडेसहाच्या सुमारास ही घटना घडली. कुडचडे पोलिसांनी घटनास्थळी दाखल होवून पंचनामा केला आहे. अनिता यांचा मृतदेह उत्तरणीय तपासणीसाठी मडगाव जिल्हा इस्पितळामधे पाठविण्यात आला आहे, अशी माहिती कुडचडे पोलिसांनी दिली. त्यांच्या आत्महत्येचे कारण स्पष्ट झालेले नाही. या घटनेबाबत साशंकता आहे. 

अनिता फर्नांडिस उगे येथील प्राथमिक शाळेत कार्यरत होत्या. त्यांच्या आत्महत्येचे कारण स्पष्ट झालेले नाही. फर्नांडिस यांच्या घरी पती आणि कन्या असे कुटूंब राहाते. त्यांची कन्यादेखील शिक्षिका म्हणून कार्यरत असल्याचे समजते. कुडचडे पोलिसांनी दिलेल्या माहितीनुसार सकाळी साडेसहाच्या सुमारास ही घटना घडली. त्यानंतर तासाभराने पोलिसांना फोन करून या घटनेची माहिती देण्यात आली. सध्या कुडचडे पोलिस या प्रकरणाचा अधिक तपास करत आहेत. ही आत्महत्याच आहे की घातपात याचा तपास पोलिस करत आहेत.