मडगाव रेल्वे स्थानकावर तामिळनाडू येथील युवकाला पकडून तीन लाखांचा गांजा जप्त

Goa Crime News: मडगावच्या कोकण रेल्वे स्थानकात बुधवारी रात्री उशिरा पोलिसांनी तीन लाखांचा गांजा जप्त करुन एका सव्वीस वर्षीय युवकाला अटक केली. मुरुगुराज दिनेश असे संशयिताचे नाव असून, तो मूळ तामिळनाडू राज्यातील आहे.

- सूरज नाईकपवार 
मडगाव - मडगावच्या कोकण रेल्वे स्थानकात बुधवारी रात्री उशिरा पोलिसांनी तीन लाखांचा गांजा जप्त करुन एका सव्वीस वर्षीय युवकाला अटक केली. मुरुगुराज दिनेश असे संशयिताचे नाव असून, तो मूळ तामिळनाडू राज्यातील आहे. रेल्वे स्थानकावरील प्लॅटफॉर्म क्रमांक ६ वर पोलिसांनी त्याला पकडले. त्याची झडती घेतली असता त्याच्याकडे तीन किलो गांजा सापडला.कोकण रेल्वे पोलिस ठाण्याचे पोलिस निरीक्षक सुनिल गुडलर व रेल्वे सुरक्षा बलाचे पोलिस निरीक्षक विनोद मिश्रा यांच्या मार्गदर्शनाखाली संयुक्त कारवाईत या संशयिताला पकडले.

संशयित संशयास्पदिरत्या रेल्वे स्थानकावर फिरत होता. पोलिसांना त्याचा संशय आला. त्याला ताब्यात घेउन चाैकशी केल्यानतंर त्याच्याकडील सामानाची छडती घेतली असता गांजा सापडला. १ फेब्रुवारी रोजी अमरावती एक्सप्रेस रेल्वेतून तो गोव्यात आला होता असे तपासात उघड झाले आहे. गांजाची डिलिव्हरी करण्यासाठी तो आला होता असे तपासात आढळून आले आहे. अमली पदार्थ प्रतिबंधात्मक कायद्याखाली त्याच्यावर कोकण रेल्वे पोलिसांनी गुन्हा नोंद केला आहे. पोलिस निरीक्षक सुनील गुडलर यांच्या मार्गदर्शनाखाली पुढील पोलिस तपास चालू आहे.