Goa Election 2022: “काँग्रेस नाही, गोव्यातील खरी लढत आम आदमी पक्ष आणि भाजपमध्येच”; अरविंद केजरीवालांचा दावा

Goa Election 2022: गोव्यात भाजपला आम आदमी पक्षच सशक्त पर्याय असल्याचा दावा अरविंद केजरीवाल यांनी केला आहे.

पणजी: गोवा विधानसभा निवडणुकीच्या (Goa Election 2022) पार्श्वभूमीवर राजकीय रणधुमाळी आता रंगात आल्याचे सांगितले जात आहे. अवघ्या काही दिवसांवर मतदान आले आहे. सर्वपक्षीयांचा घरोघरी जाऊन प्रचार करण्यावर भर दिला जात आहे. यातच आता दिल्लीचे मुख्यमंत्री आणि आम आदमी पक्षाचे प्रमुख अरविंद केजरीवाल (Arvind Kejriwal) यांनी गोवा निवडणुकीतील थेट लढत आम आदमी पक्ष आणि भाजप या दोन पक्षात असल्याचा मोठा दावा केला आहे. 

अरविंद केजरीवाल यांनी काँग्रेसवर जोरदार टीका केली आहे. काँग्रेसच्या सत्ताधारी पक्षात सामील होण्याचा ट्रेंड पाहता गोव्यात त्याला मत देणे म्हणजे भाजपला “अप्रत्यक्ष मत” देण्यासारखे आहे. त्यामुळे गोव्यातील लढत आप आणि भाजप यांच्यात आहे, असेही केजरीवाल यांनी म्हटले आहे. 

भाजपला पर्याय हा आम आदमी पक्षच

गोव्यातील जनतेला आप आणि भाजपमध्ये एक पर्याय आहे. जर तुम्हाला स्वच्छ, प्रामाणिक सरकार हवे असेल, तर तुम्ही ‘आप’ला मत देऊ शकता. दुसरा पर्याय म्हणजे भाजपला प्रत्यक्ष किंवा अप्रत्यक्षपणे मतदान करणे. अप्रत्यक्ष मतदान म्हणजे जेव्हा तुम्ही काँग्रेसला मत देता तेव्हा ते अप्रत्यक्षपणे मतदान करता, तो काँग्रेसचा माणूस जिंकेल आणि भाजपमध्ये जाईल, असेही केजरीवाल यांनी सांगितले. 

दरम्यान, आम आदमी पक्षाच्या सर्व ४० उमेदवारांनी कायदेशीररित्या लागू करण्यायोग्य निष्ठा प्रतिज्ञावर स्वाक्षरी केली, निवडून आल्यास दोष न देण्याचे आणि स्वच्छ, भ्रष्टाचारमुक्त सरकार देण्याचे वचन दिले. आमचे सर्व उमेदवार प्रामाणिक आहेत, परंतु हे उमेदवार प्रामाणिक आहेत याची मतदारांना खात्री देण्यासाठी हे शपथपत्र आवश्यक आहे, असे केजरीवाल म्हणाले.