शिर्लीत कारची झाडाला धडक: कारचालकाचा मृत्यू
By सूरज.नाईकपवार | Published: January 15, 2024 05:10 PM2024-01-15T17:10:56+5:302024-01-15T17:12:00+5:30
मयत हा मडगावातील चार्ली टेलर्सच्या मालकाचा मुलगा आहे. ऑगस्ट २०२० मध्ये दुचाकी चोरी प्रकरणात त्याला मडगाव पोलिसांनी अटक करताना चोरीच्या चार दुचाकी जप्त केल्या होत्या.
शिर्लीत कारची झाडाला धडक: कारचालकाचा मृत्यू
मडगाव: शिर्ली धर्मापूर येथे एका झाडाला कारने जाेरदार धडक दिल्याने कार चालक सत्या राजकुमार तोमार (२९) हा युवक गंभीर जखमी होउन त्याला जागीच मृत्यू आला. मध्यरात्री सव्वा एकच्या दरम्यान स्वयम अपघाताची वरील घटना घडली. येथील दक्षिण गोवा जिल्हा इस्पितळात त्याला नेले असता, तेथील डॉक्टरांनी त्याला मृत घोषीत केले. मडगाव पोलिसांनी स्वयंम अपघात म्हणून वरील प्रकरण नोंदवून घेतले आहे. पोलिस निरीक्षक तुळशीदास नाईक यांच्या मार्गदर्शनाखाली उपनिरीक्षक दामोदर शिरोडकर पुढील तपास करीत आहेत. शिर्ली येथील बसस्टॉपजवळ अपघाताची वरील घटना घडली. मयत मूळ शिरवडे नावेली येथील रहिवाशी आहे. पोलिसांनी दिलेल्या माहितीनुसार रात्री तो मडगावहून कुंकळ्ळीच्या दिशेने जात असताना, त्याचा कारवरील ताबा सुटला व कारची झाडाला जोरदार धडक बसली.
मयत हा मडगावातील चार्ली टेलर्सच्या मालकाचा मुलगा आहे. ऑगस्ट २०२० मध्ये दुचाकी चोरी प्रकरणात त्याला मडगाव पोलिसांनी अटक करताना चोरीच्या चार दुचाकी जप्त केल्या होत्या.