दहावीचा निकाल २५ रोजी

लोकमत न्यूज नेटवर्क
पणजी : गोवा माध्यमिक व उच्च माध्यमिक शालान्त मंडळातर्फे घेण्यात आलेल्या दहावीच्या परीक्षेचा
निकाल गुरुवारी २५ मे रोजी सकाळी जाहीर करण्यात येणार असल्याची माहिती मंडळाचे अध्यक्ष
जे. आर. रिबेलो यांनी दिली.
दहावीची परीक्षा १ ते २१ एप्रिलपर्यंत घेण्यात
आली होती. राज्यभरातील २७ केंद्रांवरून १९ हजार
३६२ विद्यार्थी यंदा या परीक्षेसाठी बसले होते. सध्या
पेपर तपासणी पूर्ण झाली आहे. निकाल पुढे जाऊ शकतो; पण २५ मेआधी निकाल जाहीर होणार
नसल्याचे ते म्हणाले. निकाल दहा दिवसांवर येऊन ठेपला असून बारावीच्या निकालानंतर आता दहावीच्या निकालावर विद्यार्थी व पालकांचे लक्ष आहे.
२५ रोजी वेबसाईटवर निकाल जाहीर करण्यात येईल. तसेच एसएमएस व आयव्हीआरएसद्वारे उपलब्ध करण्यात येईल. निकालाच्या दुसऱ्या दिवसापासून गुणपत्रिकांचे वितरण विद्यालयांमध्ये केले जाणार आहे. निकालपत्रांची औपचारिकता झाल्यानंतर उच्च माध्यमिक विद्यालयांमध्ये प्रवेश घेण्याची प्रक्रिया सुरू होणार आहे.