नागपूर-मडगाव विशेष एक्स्प्रेसला मुदतवाढ
By लोकमत न्यूज नेटवर्क | Published: July 1, 2024 01:30 PM2024-07-01T13:30:51+5:302024-07-01T13:31:49+5:30
ही गाडी आता ३० सप्टेंबर २०२४ पर्यंत चालविण्यात येणार आहे.
नागपूर-मडगाव विशेष एक्स्प्रेसला मुदतवाढ
लोकमत न्यूज नेटवर्क, मडगाव : नागपूर-मडगाव-नागपूर द्विसाप्ताहिक विशेष एक्स्प्रेसला मुदतवाढ देण्यात आली असून, ही गाडी आता ३० सप्टेंबर २०२४ पर्यंत चालविण्यात येणार आहे.
दोन वर्षांपूर्वी दिवाळी व नाताळच्या पार्श्वभूमीवर सुरू करण्यात आलेल्या नागपूर-मडगाव-नागपूर (०११३९/ ०११४०) या आठवड्यातून दोनदा धावणाऱ्या गाडीला वेळोवेळी मुदतवाढ देण्यात येत आहे. गाडीला मिळत असलेला वाढता प्रतिसाद लक्षात घेऊन रेल्वेने आता ही गाडी ३० सप्टेंबरपर्यंत सुरू ठेवली जाणार आहे.
सुधारित वेळापत्रकानुसार, मडगाव- नागपूर एक्स्प्रेस (०११४०) ही गाडी ४ जुलै ते ३० सप्टेंबरपर्यंत दर गुरुवार व रविवारी मडगाव स्थानकावरून रात्री ८:०१ वाजता सुटेल.