कळंगुट येथे पर्यटकाला लुबाडणाºया चौघांना अटक

गुन्ह्याचा तपास करण्यासाठी उपनिरीक्षक अक्षय पार्सेकर यांच्या नेतृत्वाखाली विशेष पथकाची स्थापना करण्यात आली

म्हापसा - कर्नाटकातून आलेल्या पर्यटकाच्या गळ््यातील सोनसाखळी हिसकावणाºया चार संशयितांना कळंगुट पोलिसांनी अटक केली आहे.  निरीक्षक परेश नाईक यांनी दिलेल्या माहितीनुसार फिर्यादी संतोष एस ए यांनी या संबंधी तक्रार दाखल केली होती. तो लिटल गोवा रेस्टॉरंट जवळ असताना संशयितांनी आरंभी त्याचा मोबाईल फोन तसेच त्याच्या जवळील रोखड रक्कम हिसकावून घेतली. नंतर त्याच्या गळ्यातील २ लाख रुपये किमतीच्या दोन सोनसाखळ्या हिसकावून घेतल्या.

गुन्ह्याचा तपास करण्यासाठी उपनिरीक्षक अक्षय पार्सेकर यांच्या नेतृत्वाखाली विशेष पथकाची स्थापना करण्यात आली. तपासा दरम्यान मोर्सलीन मोल्ला ( वय २०, पश्चिम बंगाल), राजू मोल्ला ( वय १९, पश्चिम बंगाल), अख्तर अली ( वय २४, पश्चिम बंगाल) तसेच रकीफुल मोंडल ( वय १९, पश्चिम बंगाल) या संशयितांची झडती घेतली असता त्यांच्याजवळ तुटलेल्या सोन साखळ्या आढळून आल्या. चारही संशयितांनानंतर पोलीस स्थानकावर आणून त्यांची चौकशी केली असता गुन्ह्यात सहभाग असल्याची कबूली पोलिसांना दिली. त्यांच्या ताब्यात असलेला १ लाख ६० हजार रुपये किमतीच्या वस्तू जप्त करण्यात आल्या. उर्वरीत चोरीच्या वसुलीसाठी तपास सुरु करण्यात आला आहे. सर्व संशयिता विरोधात गुन्हा दाखल करण्यात आला आहे. पुढील तपास कार्य निरीक्षक परेश नाईक यांच्या मार्गदर्शनाखाली सुरु करण्यात आलेआहे.