मुलीस धमकी, पॉप गायक रेमो फर्नांडीसची न्यायालयात हजेरी

अल्पवयीन मुलीला धमकावण्याच्या प्रकरणात करण्याच्या प्रकरणात पॉप गायक रेमो फर्नांडीस न्यायालयात उपस्थित राहिले. या प्रकरणातील साक्षिदारांच्या साक्षी नोंदविण्यात येत

पणजी : अल्पवयीन मुलीला धमकावण्याच्या प्रकरणात करण्याच्या प्रकरणात पॉप गायक रेमो फर्नांडीस न्यायालयात उपस्थित राहिले. या प्रकरणातील साक्षिदारांच्या साक्षी नोंदविण्यात येत असल्यामुळे आरोपी रेमो यांना सुनावणीवेळी उपस्थित राहण्याचा आदेश न्यायालयाने दिला होता. डिसेंबर 2015 मध्ये रेमोच्या वाहनाची धडक अल्पवयीन मुलीला बसून ती जखमी झाल्यामुळे तिला गोमेकॉत दाखल करण्यात आले होते. त्यावेळी रेमो यांनी गोमेकॉत जाऊन या मुलीला धमकावण्याचा प्रयत्न केल्याचा आरोप त्यांच्यावर आहे. 

गायक रेमो फर्नांडीस यांविरुद्ध 18 डिसेंबर 2015 रोजी आगशी पोलिसांनी गुन्हा नोंदविला होता. या प्रकरणात पोलिसांनी त्याच्या विरुद्ध पणजी बाल न्यायालयात आरोपपत्र दाखल केल्यामुळे खटला सुरू झाला आहे. या प्रकरणात बुधवारी साक्षीदारांच्या साक्षी नोंदविल्या जाणार असल्यामुळे आरोपीला न्यायालयात हजर राहणे आवश्यक होते. रेमो सकाळी 10.30 च्या सुमारास न्यायालयात उपस्थित राहिले. या प्रकरणात साक्षीदारांच्या साक्षी नोंदविण्यात आल्या. पुढील सुनावणी 23 ऑगस्ट रोजी ठेवण्यात आली आहे.