Goa: पर्वरी महामार्गावर भीषण अपघात, तीन तरुणांचा मृत्यू, दोन गंभीर जखमी

Goa Accident News: पर्वरी येथे राष्ट्रीय महामार्गावर  टीव्हीएस शोरूमजवळ आज पहाटे झालेल्या भीषण अपघातात तीन तरुणांचा मृत्यू झाला तर दोन गंभीर जखमी झाले आहेत.

- किशोर कुबल 
पणजी - पर्वरी येथे राष्ट्रीय महामार्गावर  टीव्हीएस शोरूमजवळ आज पहाटे झालेल्या भीषण अपघातात तीन तरुणांचा मृत्यू झाला तर दोन गंभीर जखमी झाले आहेत. पोलिसांनी दिलेल्या माहितीनुसार, टाटा नेक्सॉन इलेक्ट्रिक कारच्या चालकाचे नियंत्रण सुटले आणि भरधाव वेगात रस्त्यालगतच्या झाडाला धडकली. जीए ०३ झेड ७७९० क्रमांकाच्या कारचे मोठे नुकसान झाले.

कारमध्ये पाचजण होते. त्यापैकी तिघांचा मृत्यू झाला असून दोघांची प्रकृती गंभीर आहे. मृतांची नावे अबीगेल डिसोझा रा. मेरशी (२१ वर्षे), वाल्ड्रोफ डिसोझा रा. हणजुण (३० वर्षे), शॉन फर्नांडिस (२७ वर्षे) अशी आहेत तर इतर दोन जखमींमध्ये फिओना डिसोझा (२५वर्षे) आणि हणजुण येथील निनोष्का फर्नांडिस (२१ वर्षे) यांचा समावेश आहे पोलिसांनी दिलेल्या माहितीनुसार हा स्वयं अपघात आहे.  भरधाव वेगातील कारवरू चालकाचा ताबा सुटला आणि कार रस्त्यालगत जाऊन धडकली.