मिकीच्या शिक्षामाफीस राज्यपालांचा नकार

पणजी : नुवे मतदारसंघाचे आमदार मिकी पाशेको यांना तुरुंगातील उर्वरित शिक्षा माफ करण्यास राज्यपाल मृदुला सिन्हा यांनी नकार
दिला आहे. वीज अभियंता मारहाणप्रकरणी सडा येथील तुरुंगात पाशेको हे शिक्षा भोगत आहेत. आपल्याला माफी मिळावी, अशी विनंती पाशेको यांनी एका याचिकेद्वारे राज्यपाल सिन्हा यांच्याकडे केली होती. राज्य सरकारनेही पाशेको यांना उर्वरित शिक्षा माफ केली जावी,
अशी भूमिका घेतली होती. राज्यात विधानसभा अधिवेशन सुरू असताना मंत्रिमंडळाने राज्यपालांकडे तशी शिफारस केली होती. तथापि, राज्यपालांनी ती शिफारस मान्य केली नाही. मुख्यमंत्री लक्ष्मीकांत पार्सेकर यांनीही यास दुजोरा दिला. (खास प्रतिनिधी)