दीड वर्षाचा चिमुरडा ठार

म्हापसा : चारचाकी गाडीच्या चाकाखाली सापडून दीड वर्षाचा मुलगा ठार झाला. ही घटना गुरुवारी म्हापसा-पेडे येथे संध्याकाळी सुमारे साडेपाच वाजण्याच्या सुमारास घडली. अरमन असारी असे मृताचे नाव आहे. या प्रकरणात पोलिसांनी स्विफ्ट गाडीचालक अ‍ॅँथोनी रॉड्रिग्सला अटक केली.
येथील उत्तर गोवा जिल्हा इस्पितळाजवळ बिलवान-पेडे येथे ज्युवेल इमारतीच्या मागे ही घटना घडली. येथील अरुंद रस्त्यातून अ‍ॅँथोनी गाडी बाहेर काढीत होता. त्याच वेळी तेथेच बाजूला पालकासमवेत भाड्याने राहणारा अरमन असारी गेटमधून बाहेर पडला. तो बाहेर आल्याचे अ‍ॅँथोनी रॉड्रिग्सला न दिसल्याने त्याच स्थितीत गाडी बाहेर काढत असता तो मागच्या चाकाखाली सापडला.
(खास प्रतिनिधी)