Goa News | Latest Goa News in Marathi | Goa Local News Updates | ताज्या बातम्या गोवा | गोवा समाचार | Goa Newspaper

वास्को: भरधाव वेगाने चारचाकी चालवत घरी जाताना जुलीयस फर्नांडीस नामक १८ वर्षीय युवकाचा चारचाकीवरील ताबा सुटून झालेल्या भीषण अपघातात तो जागीच ठार झाला. देवोती - लोटली येथे राहणारा जुलीयस वेर्णा औद्योगिक वसाहतीच्या परिसरातील रस्त्यावरील उतरणी काढताना त्याचा चारचाकीवरून ताबा सुटून चारचाकी रस्त्याबाहेर असलेल्या झुडपी भागात झाडावर धडकली. त्या अपघातात चारचाकीचा चक्काचूर होऊन जुलीयस ठार झाल्याची माहीती वेर्णा पोलिसांकडून मिळाली.वेर्णा पोलिसांनी दिलेल्या माहितीनुसार शनिवारी (दि.२७) रात्री दोन वाजता तो भीषण अपघात घडला. १८ वर्षीय जुलीयस चारचाकीने (क्र: जीए ०१ एस ९८५८) एकटाच लोटली येथे त्याच्या घरी जाण्यासाठी प्रवास करीत होता. जेव्हा तो वेर्णा औद्योगिक वसाहतीतील लोटली येथे जाणाऱ्या जुन्या रस्त्याच्या उतरणीवर पोचला त्यावेळी अचानक त्याचा चारचाकीच्या ‘स्टीअरींग’ वरील ताबा सुटला. ताबा सुटल्याने भरधाव वेगाने असलेली चारचाकी रस्त्या बाहेरील झुडपी भागात पोचून चारचाकीने तेथे असलेल्या झाडाला जबर धडक दिली. तो अपघात एवढा भीषण होता की चारचाकीचा चक्काचूर होण्याबरोबरच जुलीयस जागीच ठार झाल्याची माहीती पोलीसांकडून मिळाली.अपघाताची माहीती मिळताच पोलीसांनी त्वरित घटनास्थळावर जाऊन अपघाताचा पंचनामा केला. तसेच मयत जुलीयस च्या मृतदेहावर पंचनामा करून मृतदेह शवगृहात ठेवला. शनिवारी जुलीयसच्या मृतदेहावर शवचिकीत्सा केल्यानंतर त्याचा मृतदेह कुटूंबियांच्या ताब्यात देण्यात येणार असल्याची माहीती पोलीसांकडून मिळाली. वेर्णा पोलीस अधिक तपास करीत आहेत.

Goa (Marathi News)

मुख्यमंत्री सावंत हे गेले दोन दिवस दिल्लीत आहेत. ...

स्थानिक प्रश्न ऐरणीवर; किनारी भागात प्रकल्पांना मोरजी येथे विरोध ...

अधिवेशनात केंद्रीय नागरी विमान वाहतूक मंत्र्यांकडे मागणी ...

आमदार साळकर यांच्याकडून ठराव मागे ...

अर्थसंकल्पाबाबत समाधान व्यक्त, कृषीक्षेत्राला लाभ ...

गोव्याच्या विकासाची जंत्री त्यांनी वाचून दाखवली. ...