पत्राचाळ घोटाळा: ईडीकडून गोव्यात मालमत्ता जप्त

अंमलबजावणी खात्याकडून मेसर्स गुरू आशिष कन्स्ट्रक्शन प्रा. लिमिटेडची उत्तर गोव्यातील मालमत्ता जप्त केली आहे.

लोकमत न्यूज नेटवर्क, पणजी: मुंबईतील पत्राचाळ रिडेव्हलपमेन्ट घोटाळा प्रकरणात अंमलबजावणी खात्याकडून मेसर्स गुरू आशिष कन्स्ट्रक्शन प्रा. लिमिटेडची उत्तर गोव्यातील मालमत्ता जप्त केली आहे. गुरू आशिष कन्स्ट्रक्शन लिमिटेडची उत्तर गोव्यात ३१.५० कोटी रुपये किमतीची मालमत्ता आहे. १२५० चौरस मीटर आणि १५३०० चौरस मीटर असे त्यांचे दोन भूखंड उत्तर गोव्यात असून या भूखंडांवर या कंपनीने २०११ मध्ये मोठे कर्जही घेतले होते.

मेसर्स गुरु आशिष यांच्या गोरेगाव, मुंबई येथील पत्राचाळ प्रकल्पाच्या पुनर्विकासातील अनियमिततेशी संबंधित प्रकरणात अंमलबजावणी संचालनालयाने प्रिव्हेंशन ऑफ मनी लाँडरिंग कायदा, २००२ च्या तरतुदींनुसार एकूण ३१.५० कोटी रुपयांच्या २ स्थावर मालमत्ता तात्पुरत्या जप्त केल्या आहेत. कन्स्ट्रक्शन प्रायव्हेट लिमिटेड. संलग्न मालमत्ता राकेश कुमार वाधवन, सारंग कुमार वाधवन यांच्याकडे असलेल्या गुरू आशिष कन्स्ट्रक्शन प्रायव्हेट लिमिटेड, मुंबईच्या गोवा येथे असलेल्या जमिनीच्या स्वरूपात आहेत. कंपनीने २०११ मध्ये ३१.५० कोटी रुपये किमतीचे २ भूखंड घेण्यासाठी १८.५०% तरत्या व्याजावर कर्ज देखील मिळवले होते.

सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"