धाराशीव येथील व्यक्तीला कळंगुट येथे अंमली पदार्थासहित अटक

९६ हजार रुपये किमतीचा गांजा हा अमंली पदार्थ जप्त केला आहे.

काशिराम म्हांबरे, म्हापसा: पोरबावाडा-कळंगुट येथील पाल्मेरीन्हा रिसॉर्टजवळ कळंगुट पोलिसांनी केलेल्या कारवाईत  धाराशीव महाराष्ट्र येथील अश्रू काळे ( वय २८ ) या  संशयिताकडून ९६० ग्राम वजनाचा तसेच ९६ हजार रुपये किमतीचा गांजा हा अमंली पदार्थ जप्त केला आहे.

निरीक्षक मिलींद भुईबर यांच्या नेतृत्वाखाली आज शुक्रवारी ही कारवाई करण्यात आली. ग्राहकाच्या प्रतिक्षेत असताना त्याला रंगेहात पकडण्यात आले.
संशयित परिसरात अंमली पदार्थाच्या विक्रीसाठी येणार असल्याची माहिती उपलब्ध होताच त्याला ताब्यात घेण्यासाठी विशेष पथकाची स्थापना करुन सापळा रचण्यात आला होता. रचलेल्या सापळ्यातून त्याला ताब्यात घेण्यात आले. संशयिता विरोधात गुन्हा दाखल करुन त्याला अटक करण्यात आली आहे. उपनिरीक्षक  अक्षय पार्सेकर निरीक्षक मिलींद भुईबर यांच्या देखरेखीखाली पुढील तपास कार्य करीत आहे.