गोव्यात 10 हजार ड्रायव्हिंग लायसन्स निलंबित करण्यासाठी शिफारस

गेल्या दीड वर्षाच्या काळात वाहतूक नियमांचा भंग केल्या प्रकरणी सुमारे १0 हजार ड्रायव्हिंग लायसन्स निलंबित करण्याची शिफारस वाहतूक पोलिसांनी आरटीओकडे केल्याची माहिती आमदार दिगंबर कामत यांनी विचारलेल्या प्रश्नाला मुख्यमंत्री मनोहर पर्रीकर यांनी विधानसभेत दिलेल्या लेखी उत्तरातून स्पष्ट झाले आहे. 

पणजी : गेल्या दीड वर्षाच्या काळात वाहतूक नियमांचा भंग केल्या प्रकरणी सुमारे १0 हजार ड्रायव्हिंग लायसन्स निलंबित करण्याची शिफारस वाहतूक पोलिसांनी आरटीओकडे केल्याची माहिती आमदार दिगंबर कामत यांनी विचारलेल्या प्रश्नाला मुख्यमंत्री मनोहर पर्रीकर यांनी विधानसभेत दिलेल्या लेखी उत्तरातून स्पष्ट झाले आहे.  २0१७ मध्ये ४२0७, २0१८ मध्ये आजतागायत ५७९९ वाहन चालविण्याचे परवाने निलंबित करण्याच्या शिफारशी वाहतूक पोलिसांकडून आल्या. १९८८ च्या मोटर वाहन कायद्याच्या कलम १९ खाली कारवाईसाठी या शिफारशी आल्या. या दीड वर्षांच्या कालावधीत तब्बल ६ लाख ८७ हजार ८८५ वाहनधारकांना वाहतूक नियमांचा भंग केल्या प्रकरणी ‘तालांव’ देऊन दंड ठोठावण्यात आला. 

याशिवाय पोलिसांनी ‘ट्राफिक सेंटिनल’ योजना सुरु केले असून वाहतूक नियमांचा भंग करणा-यांना कॅमे-यात टिपून या उल्लंघनाचे फोटो, व्हिडिओ चित्रफिती वॉटसअपवर पोलिसांना पाठवणा-या व्यक्तीला बक्षीस देण्याबरोबरच ज्यांनी उल्लंघन केलेले आहे त्यांना दंडही ठोठावला जातो. सिग्नल तोडणे, नो एंट्रीमधून वाहन हाकणे, वाहन चालविताना मोबाइलवर बोलणे, योग्य नंबरप्लेट नसणे, सीट बेल्ट परिधान न करणे, दुचाकी चालविताना हेल्मेट परिधान न करणे, काळ्या काचा असलेली मोटार, नशाबाजी करुन वाहन हाक णे, दुचाकीवर तीन-चार जणांना बसवून वाहन हाकणे आदी व अशाच प्रकारच्या अन्य वाहतूक नियमभंगाची प्रकरणांची गंभीर दखल घेतली जात आहे. गोव्यात पर्यटनासाठी स्वत:ची वाहने घेऊनही मोठ्या प्रमाणात पर्यटकही येत असतात. नशेत वाहने हाकण्याचे प्रकारही घडत असतात.  

दरम्यान, गेल्या दहा वर्षात गोव्यातील वाहनसंख्येत १३0 टक्क्यांनी वाढ झालेली आहे. वाहतूक खात्याकडून प्राप्त झालेल्या ताज्या आकडेवारीनुसार २00७-0८ साली खासगी आणि सार्वजनिक मिळून सुमारे ६ लाख २३ हजार २२९ वाहनांची नोंद होती ती गेल्या मे महिन्यात तब्बल १४ लाख ३५ हजार २७८ वर पोहोचली. गेल्या दहा वर्षांच्या काळातच वाहनसंख्या प्रचंड वाढली आहे. दरवर्षी सुमारे ८ टक्क्यांनी वाहने वाढत असल्याचे दिसून आले आहे.