फुटबॉलचा सराव संपून जात असताना अपघात, तिघेजण जखमी

गोव्यातील दक्षिण गोव्यातील उजरो राय येथील रायेश्वर मंदिराजवळील जंक्शनवर बुधवारी सकाळी साडेसातच्या दरम्यान अपघाताची घटना घडली. 

मडगाव :  येथे फुटबॉलचा सराव संपवून आपला मुलगा व शेजाराच्या मुलाला दुचाकीवरुन घरी परत जात असताना बसची धडक बसून तिघेजण गंभीर जखमी झाले. गोव्यातील दक्षिण गोव्यातील उजरो राय येथील रायेश्वर मंदिराजवळील जंक्शनवर बुधवारी सकाळी साडेसातच्या दरम्यान अपघाताची घटना घडली. 

या अपघात मार्कुस फर्नांडिस (४२) हा व त्याचा मुलगा मिलरॉय व शेजाऱ्याचा मुलगा ब्रेण्डन (१२) हा गंभीर जखमी झाला. मार्कुसला येथील दक्षिण गोवा जिल्हा इस्पितळात दाखल केले असून, अन्य दोघांना गोमेकॉत उपचारासाठी पाठवून देण्यात आले आहे.

मायणा कुडतरी पोलिस ठाण्याचे पोलिस निरीक्षक रवी देसाई यांनी दिलेल्या माहितीनुसार, बस ही शिरोडा येथून मडगावच्या बाजूने येत होते. मार्कूस हा त्या मुलांना घेउन घरी परत घेउन जात होता. त्यावेळी हा अपघात घडला. जखमी लोटली येथील आहेत. डिवो दुचाकीवरुन येत असताना हा अपघात घडला. 

जखमी मुलगे लोटली येथील सेवियर ऑफ वर्ल्ड या शाळेत शिकत होते.अपघाताची माहिती मिळाल्यानंतर पोलिसांनी घटनास्थळी जाउन पंचनामा केला. जखमींना इस्पितळात दाखल केले. हवालदार प्रसन्ना प्रभुगावकर पुढील तपास करीत आहेत.