हिवरा येथील ऑटो चालकाच्या घरून ६५ हजाराची चोरी

पोलिसांनी भादंविच्या कलम ३८० अन्वये गुन्हा दाखल केला असून अधिक तपास पोलीस हवालदार भुरे करीत आहेत.

गोंदिया: रामनगर पोलीस ठाण्यांतर्गत येणाऱ्या हिवरा येथील राधेश्याम शोभेलाल लिल्हारे (५२) यांच्या घराचे कुलूप तोडून अज्ञात चोरट्यांनी दिवसाढवळ्या रोख रकमेसह ६५ हजाराचे दागिणे चोरून नेले. ही घटना ८ डिसेंबरच्या सकाळी १० ते दुपारी १:३० वाजता दरम्यान घडली. राधेश्याम नेवारे यांनी आपल्या पत्नीला दवाखन्यात सोडल्यावर ते आपला ऑटो घेऊन ढाकणी येथे गेले असतांना त्यांच्या शेजाऱ्याने त्यांच्या घरी चोरी झाल्याची माहिती त्यांच्या मुलीला दिली. 

मुलीने राधेश्याम यांना फोन केल्यावर ते घरी गेले असतांना त्यांच्या घरून ६५ हजाराचे साहित्य चोरी केल्याची माहिती पुढे आली. ५ ग्रॅम वजनाची सोन्याची नथ किंमत १० हजार, ५ ग्रॅम वजनाच्या दोन सोन्याच्या आंगठ्या किंमत १० हजार, १० ग्रॅम वजनाची सोन्याचा मंगळसूत्र किंमत २० हजार, १० हजार रूपये किंमतीची सोन्याची पोत, चांदीचा कर्दन व पायल किंमत १० हजार व ५ हजार रूपये रोख असा एकूण ६५ हजाराचा माल पळविला. 

या घटनेसंदर्भात रावणवाडी पोलिसांनी भादंविच्या कलम ३८० अन्वये गुन्हा दाखल केला आहे. तपास पोलीस हवालदार भुरे करीत आहेत.