सासऱ्याने केली जावयाला मारहाण

१ सप्टेंबर रोजी माहेरी गेलेली पत्नी परत आली, तेव्हा पती दुर्योधन हाबुराव जिंदाकूर (२६, रा.हेटीटोला) याने तू कोणासोबत आलीस, असा प्रश्न केला, परंतु पत्नीने योग्य उत्तर न दिल्याने दोघांमध्ये वाद झाला. दुसऱ्या दिवशी पत्नीने आपल्या वडिलांना बोलावून घेतले, तेव्हा काही लोकांनी बैठक घेऊन दोघांनाही समजाविले. त्यामुळे हिरालाल घरत परत गावी गेले व त्यानंतर ३ सप्टेंबर रोजी जावई दुर्योधन जिंदाकूर सकाळी घरी झोपला असताना, अचानक हिरालाल घरत घरी आले व दुर्योधन यांच्या अंगावरील चादर खेचून त्यांना मारहाण केल्याने दुर्योधन बेशुद्ध पडले. त्या अवस्थेत त्यांना गावकऱ्यांनी सातगाव येथील आरोग्य केंद्रात नेले व तेथून आमगावला रेफर करण्यात आले. दरम्यान, ६ सप्टेंबर रोजी सालेकसा पोलिसांनी भादंवि ३२३, ५०४, ५०६ अन्वये गुन्हा दाखल केला आहे.