आमगाव येथे बायपास रस्ता तयार करा ()

आमगाव : आमगाव तालुक्यात नुकतेच मुख्य रस्त्याचे बांधकाम व रुंदीकरण झाले आहे. आमगाव येथील बाजारपेठ ही नावाजलेली व मोठी बाजारपेठ आहे व शहरातील पूर्ण व्यवसाय मुख्य रस्त्यावर आहे. त्यामुळे रस्त्यावर नेहमी वर्दळ असते. अशात शहरातील वाहनांची रहदारी कमी करण्यासाठी शहराला बायपास रस्ता मंजूर करून निधी उपलब्ध करून घ्यावा, अशी मागणी मागणी माजी आमदार भेरसिंग नागपुरे यांनी केंद्रीय परिवहन मंत्री नितीन गडकरी यांना निवेदनातून केली आहे.

कामठा-आमगाव-डोंगरगड राष्ट्रीय महामार्गाला मंजुरी प्रदान करून निधी उपलब्ध करून देण्यात यावी. तसेच आमगाव-लांजी रस्ता मोहनटोला मार्ग जोडण्यात यावे, आमगाव शहरातून मोठ-मोठी जड वाहने जातात त्यामुळे रहदारीला अडचण होत असून अपघात घडतात. याकरिता बायपास रस्ता तयार करण्यात यावा असे नमूद आहे. यावर केंद्रीय परिवहन मंत्री गडकरी यांनी लवकरच मागण्या पूर्ण करण्यात येतील असे आश्वासन दिले.