अदासी येथून ७७ हजाराची देशी, विदेशी दारू जप्त  

गोंदिया ग्रामीण पोलिसांची कारवाई: एका आरोपीवर गुन्हा दाखल

गोंदिया: ग्रामीण पोलीस ठाण्यांतर्गत येणाऱ्या अदसीच्या वॉर्ड क्रमांक २ येथे राहणाऱ्या सुजित भंमलदास डोंगरे (४६) रा. अदासी याच्या घरी २९ डिसेंबरच्या सायंकाळी ७:४५ वाजता धाड घालून पोलिसांनी ७७ हजार २७५ रूपये किंमतीची देशी, विदेशी दारू जप्त केली.

गोंदिया ग्रामीण पोलीस २९ डिसेंबर रोजी गस्त करीत असतांना सहाय्यक पोलीस निरीक्षक वर्मा यांना मिळालेल्या गुप्त माहितीनुसार सुजित डोंगरे हा अवैध दारू विक्री करण्याकरीता त्याने देशी, विदेशी दारूचा साठा जमा केला आहे. त्या मािहतीच्या आधारे पंचाना घेऊन पोलिसांनी धाड घातली. या कारवाईत २३९ नग सेव्हन स्टार पंच देशी दारु किंमत ८ हजार ३६५ रूपये, ८०० नग चिता ब्रांन्ड फिरकी संत्रा देशी दारु किंमत २८ हजार, २१ नग चिता ब्रांन्ड फिरकी संत्रा देशी दारु किंमत १४७० रूपये, ७२ नग ओल्ड मंक रम इंग्लिश दारु किंमत ५ हजार ४०० रूपये, ४५ नग रॉयल स्टेंग इंग्लिश दारु किंमत ८ हजार १०० रूपये, ४० नग रॉयल स्टंग इंग्लिश दारु किंमत ३ हजार ८०० रूपये, १० नग ऑफीसर चॉईस ब्लू इंग्लिश दारु किंमत १ हजार ५०० रूपये, ५४ नग ऑफीसर चॉईस ब्लू इंग्लिश दारु किंमत ४ हजार ३२० रूपये, १३ नग मॅकडॉल रम इंग्लिश दारु किंमत १ हजार ८२० रूपये, ६० नग मॅकडॉल रम इंग्लिश दारु किंमत ४ हजार ५०० रूपये, १०० लिटर मोहफुलाची दारू किंमत १० हजार असा माल जप्त करण्यात आला. आरोपीविरुद्ध महाराष्ट्र दारूबंदी कायदा कलम ६५ ई, ६५ फ अन्वये गुन्हा नोंद करण्यात आला आहे. 

ही कारवाई सहाय्यक पोलीस निरीक्षक वर्मा, पोलीस उपनिरीक्षक मेश्राम, पोलीस शिपाई शितल भांडारकर यांनी केली आहे.