सट्टापट्टी घेणाऱ्यावर गुन्हा दाखल

..........

१४ वर्षाच्या मुलीचा विनयभंग; दाम्पत्यावर गुन्हा दाखल

गोंदिया : शहरातील पी.ए.राईस मिल जवळ राहणाऱ्या आरोपी संजय सुरज शिवणकर (३६) याने एका १४ वर्षाच्या मुलीचा विनयभंग केला. ही घटना ९ ऑगस्ट रोजी दुपारी २ वाजता घडली. या कामासाठी आरोपी संजयची पत्नी गुणवंता संजय शिवणकर (३५) हिने सहकार्य केले. त्या दाम्पत्यावर गोंदिया शहर पोलिसांनी भादंवि कलम ३५४श ३५४ (अ) ४५२,११४ बाललैंगिक अत्याचार अधिनियम कलम ८,१०, १२ अन्वये गुन्हा दाखल केला आहे. तपास महिला पोलीस उपनिरीक्षक प्राजक्ता पवार करीत आहेत.

.............

दहा लिटर दारू पकडली

गोंदिया : शहर पोलीस ठाण्यांतर्गत येणाऱ्या बंडू चौक संजय नगरातील नसिर गफुर शेख (३९) याच्याकडून ९ ऑगस्ट रोजी सायंकाळी ६.१५ वाजता १० लिटर मोहफुलाची दारू जप्त करण्यात आली. जप्त करण्यात आलेल्या दारूची किंमत १ हजार रुपये सांगितली जाते. ही कारवाई पोलीस शिपाई राकेश निर्माण यांनी केली आहे. आरोपीविरुद्ध गोंदिया शहर पोलिसांनी महाराष्ट्र दारूबंदी कायदा कलम ६५ ई अन्वये गुन्हा दाखल केला आहे.