गोंदियात ट्रकच्या धडकेत तीन जण ठार; मृतकांमध्ये वडील व मुलाचा समावेश

गोंदिया तालुक्यातील पिंकेपार येेथे लग्न सोहळ्याकरिता शनिवारी बिसेन कुटुंबीय दासगाववरून मोटारसायकलने आले होते.

गोंदिया : भरधाव ट्रकने मोटारसायकलला दिलेल्या धडकेत तीन मुलांसह वडील ठार झाल्याची घटना गोंदियापासून चार कि. मी. अंतरावर असलेल्या भागवटोला जवळ शनिवारी (दि.१) दुपारच्या सुमारास घडली. आदित्य बिसेन (७), मोहित बिसेन (११) असे मृतक मुलांची तर कुमेंद्र बिसेन (३७) रा. दासगाव व आर्वी कमलेश तूरकर (५ ) असे अपघातात ठार झालेल्यांची नाव आहे. अपघतानंतर ट्रक चालक घटना स्थळावरुन पसार झाला. 

गोंदिया तालुक्यातील पिंकेपार येेथे लग्न सोहळ्याकरिता शनिवारी बिसेन कुटुंबीय दासगाववरून मोटारसायकलने आले होते. लग्न सोहळा आटोपल्यानंतर दासगाव येथे मोटरसायकलने जात असताना ढाकणी ते भागवतटोला या रस्त्यावर ट्रकने धडक दिल्याने हा अपघात झाला. ही धडक ऐवढी जोरदार हाेती की त्या धडकेत घटना स्थळी दोन मुलांचा व ३७ वर्षी कुमेंद्र बिसेन यांचा मृत्यू झाला. अपघातानानंतर ट्रक चालक घटना स्थळावरून फरार झाला. याची माहिती रामनगर पोलीसांना मिळताच पोलिसांनी घटना स्थळी धाव घेत जखमींना रूग्णालयात दाखल केले. मृतदेह उत्तरीय तपासणीसाठी गोंदिया जिल्हा रुग्णालयात पाठविण्यात आले आहे. तर ट्रक चालकाविरुद्ध रामनगर पोलिसांनी गुन्हा दाखल केला असून ट्रक चालकाचा शोध सुरू आहे.