दारू वाहून नेणारी चारचाकी पकडली

दारूबंदी असलेल्या शेजारच्या गडचिरोली व चंद्रपूर जिल्ह्यात गोंदिया जिह्यातून मोठ्या प्रमाणात दारूची तस्करी केली जात आहे. यातच चारचाकी वाहनातून देशी दारू नेत असताना राज्य उत्पादन शुल्क विभागाच्या विशेष पथकाने चारचाकी वाहनाला पकडले.

ठळक मुद्देउत्पादन शुल्क विभागाची कारवाई : पाच लाखांचा माल जप्त

लोकमत न्यूज नेटवर्क
गोंदिया : दारूबंदी असलेल्या शेजारच्या गडचिरोली व चंद्रपूर जिल्ह्यात गोंदिया जिह्यातून मोठ्या प्रमाणात दारूची तस्करी केली जात आहे. यातच चारचाकी वाहनातून देशी दारू नेत असताना राज्य उत्पादन शुल्क विभागाच्या विशेष पथकाने चारचाकी वाहनाला पकडले. पथकाने चारचाकी व दारू असा सुमारे पाच लाख १७ हजार रूपयांचा माल जप्त केला आहे.
शेजारच्या गडचिरोली व चंद्रपूर जिल्ह्यात दारूबंदी झाल्यापासून गोंदिया जिल्ह्यातून मोठ्या प्रमाणात दारूची तस्करी होत आहे. जिल्ह्यातील अर्जुनी-मोरगाव येथूनही दारू या दोन्ही जिल्ह्यात जात आहे. यावर पोलीस, रेल्वे व राज्य उत्पादन शुक्ल विभागाकडून कित्येक कारवाया करण्यात आल्या आहेत. त्यातच चारचाकी वाहनातून देशी दारूची तस्करी केली जात असल्याच्या गुप्त माहितीवरून राज्य उत्पादन शुल्क विभागाच्या विशेष पथकाने अर्जुनी-मोरगाव- गडचिरोली मार्गावर नाकाबंदी केली.
यामध्ये चारचाकी वाहनाची तपासणी केली असता त्यात देशी दारू आढळून आली. पथकाने ५४० देशी दारू व चारचाकी असा पाच लाख १७ हजार रूपयांचा माल जप्त केला आहे. तसेच दोन जणांवर दारूबंदी कायद्यांतर्गत गुन्हा नोंद करून अर्जुनी-मोरगाव पोलिसांच्या सुपूर्द केले.