स्वच्छता हिच आपली सुरक्षा, हे ध्येय विद्यार्थ्यांनी बाळगावे

अर्जुनी मोरगाव : तालुक्यातील श्रीमती केसरबाई शिक्षण संस्थाद्वारा संचालित सरस्वती ज्ञानदीप कॉन्वेन्ट तथा जीएमबी हायस्कूल येथे गाडगेबाबा जयंती साजरी करण्यात आली. सर्वप्रथम उपस्थित अध्यक्षांच्या हस्ते माता सरस्वती व संत गाडगेबाबा यांच्या छायाचित्राचे पूजन करून माल्यार्पण करण्यात आले.

पूजनांनतर संत गाडगेबाबा यांच्या जीवनावर माहिती विषद करण्यात आली. कार्यक्रमाला अध्यक्षा म्हणून प्राचार्या विणा नानोटी यांनी आपल्या मार्गदर्शनातून स्वच्छतेविषयी व गाडगेबाबा यांच्या कार्याविषयी विद्यार्थ्यांना मार्गदर्शन केले. स्वच्छता हिच आपली सुरक्षा, हे ध्येय मनात बाळगून आपला परिसर व आपली वैयक्तिक स्वच्छता ठेवावी, असे मार्गदर्शन केले. कार्यक्रमाचे संचालन व आभार अश्विनी भावे यांनी मानले. कार्यक्रमाच्या यशस्वितेसाठी सर्व शिक्षक, तसेच शिक्षकेत्तर कर्मचाऱ्यांनी परिश्रम घेतले. कार्यक्रमाची सांगता राष्ट्रगीताने करण्यात आली.