Maharashtra Election Voting Live; प्रफुल्ल पटेल यांनी कुटुंबियांसह केले मतदान

खा. प्रफुल्ल पटेल यांनी आपली पत्नी वर्षा पटेल यांच्यासह कुटुंबियांसमवेत गुरुवारी सकाळी गोंदियात मतदान केंद्रावर जाऊन मतदान केले.

लोकमत न्यूज नेटवर्क
गोंदिया: खा. प्रफुल्ल पटेल यांनी आपली पत्नी वर्षा पटेल यांच्यासह कुटुंबियांसमवेत गुरुवारी सकाळी गोंदियात मतदान केंद्रावर जाऊन मतदान केले. येथे राष्ट्रवादी कांग्रेस व काँग्रेस महाआघाडीचे नानाभाऊ पंचबुद्धे हे उमेदवार आहेत.
भंडारा-गोंदिया लोकसभा मतदार संघात २ हजार १८४ मतदान केंद्र स्थापन करण्यात आले आहे. गुरुवारी सकाळी ७ ते सायंकाळी ६ वाजेपर्यंत मतदानाची वेळ आहे. तर नक्षल प्रभावीत भागात सकाळी ७ ते दुपारी ३ वाजेपर्यंत मतदान होणार आहे. सहा विधानसभा मतदारसंघात १८ लाख ८ हजार ९४८ मतदार असून त्यात नऊ लाख पाच हजार ४९० पुरुष आणि नऊ लाख तीन हजार ४५८ महिला मतदारांचा समावेश आहे.