मोटारसायकल पळविली

.....................

४ लाखांच्या तांदळाची केली अफरातफर

गोंदिया : शासकीय धान्य गोदाम मुंडीपार गोंदिया येथील १९ मेट्रिक टन तांदूळ कोल्हापूरच्या गगनबावडा येथील शासकीय धान्य गोदामात नेण्यासाठी एम.एच. २५ यू. ५४६५ या वाहनाने नेण्यासाठी २० ऑगस्ट रोजी लोड करण्यात आले होते. त्या ट्रकच्या चालकाने ते तांदूळ शासकीय धान्य गोदाम गगनबावडा,कोल्हापूर येथे न नेता त्याचा अपहार केला. ३९० पोती वजन १९ मेट्रिक टन ३८० किलो सी.एम.आर. तांदूळ किंमत ३ लाख ९० हजारांच्या मालाची अफरातफर केली. या प्रकरणात कोल्हापूर सहकारी मजूर व हमाल संस्था मर्यादित कोल्हापूर यांची फसवणूक झाली. रमेश जाधव (४८) रा.प्लाट नं. ०५ घर नं ५४० जाधव पार्क, कृष्णनंद कॉलोनी, कसबा बावडा, कोल्हापूर यांच्या तक्रारीवरून गंगाझरी पोलिसांनी भादंविच्या कलम ४०६,४२० अन्वये गुन्हा दाखल केला आहे. तपास पोलीस उपनिरीक्षक चांदेवार करीत आहेत.