खून करणाऱ्या आरोपीस दोन तासांत अटक

गोंदिया : शहर पोलीस ठाण्यांतर्गत येणाऱ्या गांधी वॉर्ड जुना गोंदियातील सुधीर रमेश सूर्यवंशी (वय ३७) याचा बुधवारी पहाटे ४.३० वाजता खून करणारा आरोपी संतोष ऊर्फ पडू गोपाल बन्सोड (२१), रा. गांधी वाॅर्ड याला अवघ्या दोन तासांत गोंदिया शहर पोलिसांनी अटक केली आहे.

आरोपी संतोष याने सुधीर रमेश सूर्यवंशी (रा. गांधी वॉर्ड, जुना गोंदिया याला जुन्या भांडणाच्या रागातून काठी व दगडाने मारून त्याचा खून केला. या संदर्भात गोंदिया शहर पोलीस ठाण्यात भा.दं.वि.च्या कलम ३०२ अन्वये गुन्हा दाखल केला आहे. २० मे रोजी त्याला न्यायालयात हजर करण्यात येणार आहे. या आरोपीवर यापूर्वीही गुन्हे दाखल आहेत. ही कारवाई पोलीस अधीक्षक विश्व पानसरे, अप्पर पोलीस अधीक्षक अशोक बनकर, उपविभागीय पोलीस अधिकारी जगदीश पांडे यांच्या मार्गदर्शनात गोंदिया शहरचे ठाणेदार पोलीस निरीक्षक महेश बनसोडे, साहाय्यक पोलीस निरीक्षक अभिजित भुजबळ, मोरे, साहाय्यक फौजदार घनश्याम थेर, पोलीस हवालदार सुजित हलमारे, पोलीस नायक सुबोध बिसेन, ओमेश मेश्राम, संतोष बोपचे, प्रमोद चव्हाण, प्रकाश गायधने, श्याम कोरे, संतोष भेंडारकर, छगन विठ्ठले, विकास वेदक यांनी केली आहे.