राष्ट्रवादी काँग्रेस समर्थित १०३ सदस्य विजयी

..................

माजी जि.प.सदस्याचा पराभव

गोंदिया : नुकत्याच जाहीर झालेल्या ग्रामपंचायत निवडणुकीत सडक अर्जुनी तालुक्यातील पांढरी येथून उभ्या असलेल्या माजी जि.प.सदस्य शीला चव्हाण यांचा पराभव झाला आहे. चव्हाण या २०१५-२०२० या कालावधीत जि.प.च्या सदस्य होत्या. त्या ग्रामपंचायत निवडणुकीत उभ्या होत्या. मात्र यात त्यांचा पराभव झाला.

..........

चाबीने उघडले खाते

गोंदिया : गोंदिया तालुक्यातील ग्रामपंचायत निवडणुकीत आ.विनोद अग्रवाल यांच्या चाबी समर्थित पॅनलने एकूण १४ ग्रामपंचायतींवर वर्चस्व स्थापन केले. तर काही ग्रामपंचायतींवर प्रत्येकी तीन चार सदस्य निवडून आल्याचा दावा केला आहे. ग्रामपंचायतीवर नेमकी सत्ता कुणाची याचे चित्र सरपंच पदाचे आरक्षण जाहीर होऊन प्रत्यक्षात सत्ता स्थापन झाल्यावरच स्पष्ट होणार आहे. चाबी समर्थित पॅनलची सर्वाधिक ग्रामपंचायतींवर सत्ता स्थापन होईल असा विश्वास आ. विनोद अग्रवाल यांनी व्यक्त केला आहे.