ना. मलिक यांच्या हस्ते अग्निशमन वाहनांचे लोकार्पण ()

जिल्ह्यातील नगरपंचायत गोरेगाव, अर्जुनी-मोरगाव व नगरपरिषद आमगाव

या शहरांसाठी उपलब्ध करण्यात आलेल्या ३ नवीन अग्निशमन वाहनांचे लोकार्पण शनिवारी (दि. १४) पालकमंत्री नवाब मलिक यांच्या हस्ते जिल्हाधिकारी कार्यालयाच्या प्रांगणात करण्यात आले.

प्रत्येक अग्निशमन वाहन हे ९५ लाख रुपयांचे असून त्या वाहनांची क्षमता ४५०० लिटर

पाण्याची आहे. यामुळे दुर्गम भागातील शहरांमध्ये व त्यांच्या आजूबाजूच्या परिसरांमध्ये आगीची

घटना घडल्यास तत्काळ मदत पोहोचविता येईल, असे पालकमंत्री मलिक यांनी सांगितले. यावेळी खासदार प्रफुल्ल पटेल, आमदार विनोद अग्रवाल, अभिजीत वंजारी, सहेषराम कोरोटे, जिल्हाधिकारी नयना गुंडे, पोलीस अधीक्षक विश्व पानसरे, अप्पर जिल्हाधिकारी राजेश खवले, निवासी उपजिल्हाधिकारी जयराम देशपांडे, जिल्हा नियोजन अधिकारी कावेरी नाखले,

नगरपरिषदेच्या मुख्याधिकारी करण चव्हाण, उपविभागीय अधिकारी वंदना सवरंगपते, तहसीलदार आदेश डफळ, प्रभारी अग्निशमन अधिकारी लोकचंद भेंडारकर, आपत्ती व्यवस्थापन अधिकारी राजन चौबे व जिल्हा नियोजन अधिकारी (मानव विकास) प्रणोती बुलकुंडे उपस्थित होते.