कृषी योजनांसाठी घरबसल्या ऑनलाईन नोंदणीची सोय

कोरोनाच्या पार्श्वभूमीवर नागरिकांना घराबाहेर पडण्यास प्रतिबंध घालण्यात आला आहे. ‘लॉकडाऊन’चा कालावधी आणखी वाढण्याची शक्यता आहे. त्यामुळे शेतकरी वर्ग कृषी विभागाच्या योजनांपासून वंचित राहण्याचा धोका निर्माण झाला आहे. शेतकऱ्यांना घरुनच नोंदणी करता यावी यासाठी तालुका कृषी अधिकारी मंगेश वावधने व वाय.बी.बावनकर यांच्या मार्गदर्शनात ही वेबसाईट तयार करण्यात आली आहे.

ठळक मुद्देनाविण्यपूर्ण उपक्रम : शेतकऱ्यांना लिंकवर भरता येणार माहिती

लोकमत न्यूज नेटवर्क
तिरोडा : शेतकऱ्यांना विविध योजनांचा लाभ घेता यावा यासाठी कार्यालयामार्फत स्वतंत्र वेबसाईट तयार करण्यात आली आहे. या वेबसाईटवर स्मार्टफोनच्या माध्यमातून ऑनलाईन नोंदणी करता येणार आहे.
कोरोनाच्या पार्श्वभूमीवर नागरिकांना घराबाहेर पडण्यास प्रतिबंध घालण्यात आला आहे. ‘लॉकडाऊन’चा कालावधी आणखी वाढण्याची शक्यता आहे. त्यामुळे शेतकरी वर्ग कृषी विभागाच्या योजनांपासून वंचित राहण्याचा धोका निर्माण झाला आहे. शेतकऱ्यांना घरुनच नोंदणी करता यावी यासाठी तालुका कृषी अधिकारी मंगेश वावधने व वाय.बी.बावनकर यांच्या मार्गदर्शनात ही वेबसाईट तयार करण्यात आली आहे. या वेबसाईटवर तिरोडा तालुक्यातील शेतकऱ्यांना नोंद करता येणार आहे.त्यासाठी तालुका कृषी अधिकारी तिरोडा यांनी लिंक उपलब्ध करुन दिली आहे. या लिंकची माहिती सहायक मंडळ अधिकारी, कृषी पर्यवेक्षक, तालुका कृषी अधिकारी यांच्याकडे उपलब्ध आहे.
सदर लिंक संबंधीत तालुक्यातील शेतकऱ्यांच्या व्हॉट्सअ‍ॅपवर उपलब्ध करुन दिली आहे. कृषी विभागाच्या या नवीन उपक्रमामुळे शेतकऱ्यांना घरबरसल्या नोंदणी करण्याची सुविधा उपलब्ध झाली आहे. शेतकऱ्यांचे पूर्ण नाव, गाव, तालुका, मोबाईल क्रमांक, लिंग, प्रवर्ग, शेतीचे क्षेत्र, तसेच कोणत्या योजनेसाठी नोंदणी करणार आहे त्या योजनेवर क्लिक करायचे आहे. त्यानंतर सदर नोंदणी करायची आहे.

या योजनांचा घेता येईल लाभ
सदर ऑनलाईन नोंदणी १५ एप्रिलपर्यंत करायची आहे. त्यात भाऊसाहेब फुंडकर फळबाग योजना, प्रधानमंत्री सुक्ष्म सिंचन योजना, तुषार सिंचन, ठिंबक सिंचन योजना, मागेल त्याला बोडी-शेततळे, कृषी यांत्रिकीकरण-उपअभियान उपसा सिंचन साधने, एकात्मिक फलोत्पादन विकास अभियान, वनशेती उपअभियान, औषधी वनस्पती लागवड आदी योजनांचा समावेश आहे.