सेवानिवृत्त शिक्षक व गुणवंत विद्यार्थ्यांचा सत्कार ()

सोनपुरी : लोधी अधिकारी कर्मचारी संघ व लोधी समाज सेवा समितीच्या संयुक्तवतीने गुणवंत विद्यार्थी व सेवानिवृत्त शिक्षक सन्मान समारंभ कोटजमुरा येथील शहीद अवंती विद्यालय व कनिष्ठ महाविद्यालयात घेण्यात आला.

उद्घाटन प्रदेशाध्यक्ष अनंतलाल दमाहे यांच्या हस्ते करण्यात आले. अध्यक्षस्थानी वरिष्ठ प्रदेश उपाध्यक्ष छाया नागपुरे होत्या. प्रमुख पाहुणे म्हणून राष्ट्रीय उपाध्यक्ष उमाप्रसाद उपवंशी, विजय बघेले, रमेश बिरनवार, लोधी समाज सेवा समितीचे अध्यक्ष जागेश्वर लिल्हारे, रोशन लिल्हारे, रामेश्वर लिल्हारे, शंकरलाल नागपुरे, ज्ञानेश्वर दमाहे, शिवराम सव्वालाखे, प्राचार्य दयाचंद माहुले, देवेंद्र लिल्हारे, सुभाष नोरोलीया, एकनाथ खजुरीया, नरेंद्र लिल्हारे, सोहन उरोडे, दुर्गाप्रसाद सोलाखे, कारेलाल नागपुरे, दादुराव नागपुरे उपस्थित होते. करिअर गाईडेंसला मार्गदर्शक म्हणून डॉ. वेदप्रकाश लिल्हारे, पराग बनधाटे, लीलाधर सुलाखे, संकेत बनोठे उपस्थित होते.

कार्यक्रमात वरिष्ठ सेवानिवृत्त शिक्षक टेकचंद दशरिया, शिवलाल लिल्हारे, फत्तेलाल बरैया, मेहतर दमाहे यांचा शाल, श्रीफळ व पुष्पगुच्छ देऊन सत्कार करण्यात आला. विद्यार्थी प्रतिभा सन्मानात दहावीतील १८ आणि बारावीतील ३१ विद्यार्थ्यांचा स्मृतिचिन्ह व प्रशस्तीपत्र देऊन सत्कार करण्यात आला. प्रास्ताविक रोशनलाल लिल्हारे यांनी मांडले. संचालन कविता मोहारे व ओंकार लिल्हारे यांनी केले. आभार जयेश लिल्हारे यांनी मानले. कार्यक्रमासाठी युवराज बसोने, दीपा मच्छिरके, ग्यानीराम बनोठे, सुखवंता बनोठे, सूर्यकांत नागपुरे, रोशन गराडे, केवलचंद मच्छिरके, तोषलाल लिल्हारे, रामचंद लिल्हारे, लिना मोहारे, खेमलाल नवगोडे, देवेंद्र बैरया यांच्यासह अवंती हायस्कूल व कनिष्ठ महाविद्यालयातील शिक्षक आणि कर्मचाऱ्यांनी सहकार्य केले.