शिवसेना हा महिलांचा सन्मान करणारा पक्ष आहे

देवीर : शिवसेना पक्ष हा आदरणीय बाळासाहेब यांच्या विचारातून घडलेला पक्ष असून, हा महिलांचा सन्मान करणारा पक्ष आहे, असे प्रतिपादन गोंदिया व भंडारा जिल्हासंपर्क प्रमुख नीलेश धुमाळ यांनी केले.

देवरी येथे शिवसेना पक्षाचा ५५वा वर्धापन दिनानिमित्त गोंदिया जिल्हा शिवसेना संघटक करुणा कुर्वे यांनी आयोजित केलेल्या कार्यक्रमात मार्गदर्शन करताना ते बोलत होते. महिला आघाडीच्या संपर्क संघटक शीतला भंडारी, जिल्हाप्रमुख सुरेंद्र नायडू, तिरोडा विधानसभा संपर्कप्रमुख प्रवीण शिंदे, अर्जुनी मोरगाव विधानसभा संपर्कप्रमुख बाळा परव, शिल्पा मोरे, गोंदिया जिल्हा शिवसेना महिला आघाडीच्या जिल्हा संघटक करुणा कुर्वे, देवरी तालुकाप्रमुख सुनील मिश्रा, देवरी शहर प्रमुख राजा भाटीया, पंचायत समितीचे माजी उपसभापती गणेश सोनबोईर, आमगाव देवरी विधानसभा संघटक राजीक खान उपस्थित होते. कोरोना काळात आपल्या जीवाची पर्वा न रता जनतेची व रुग्णांची सेवा करणाऱ्या परिचारिका, महिला सफाई कामगार आणि आशासेविका अशा ५५ कोरोनायोद्ध्यांचा स्मृतिचिन्ह व प्रशस्तिपत्र देऊन सन्मानित करण्यात आले. कार्यक्रमासाठी महिला संघटक प्रीती उईके, युवती सेना शहर प्रमुख प्रीती नेवारगडे, ज्वाला पांडे, तालुका उपप्रमुख दालचंद मडावी, तालुका उपसंघटक प्रीती भांडारकर, तेजश्वरी आचले, सलमा पठाण, सुहाग गिरी, राजा मिश्रा, परवेज पठान, कमलेश पांडे, राजू येरणे, कृष्णा राखडे, गणेशसिंह चंदेल यांनी सहकार्य केले.