कुंभीटोला येथील आठवडी बाजार सुरू करा

बाराभाटी : लगतच्या ग्राम कुंभीटोला येथील बाजार कोरोनाच्या वाढत्या प्रादुर्भावामुळे बंद करण्यात आला आहे. त्यामुळे नागरिकांना बाजार करण्यासाठी अन्यत्र जावे लागत असल्याने आठवडी बाजार सुरू करण्याची मागणी परिसरातील नागरिकांकडून केली जात आहे.

या परिसरातील आजूबाजूच्या गावातील अनेक नागरिक हे लांब अंतरावर बाजाराला जातात. अनेक भाजी विक्री करणारे व्यावसायिकसुद्धा बाजाराच्या प्रतीक्षेत आहेत. तसेच लहानसहान धंदा करणारे व्यावसायिकसुद्धा रोजगार मिळेल, याची वाट बघत आहे. जिल्ह्यात कोरोना नियंत्रणात असून, शासनाने निर्बंध शिथिल केले आहेत. अशात कुंभीटोला येथील आठवडी बाजार सुरू करावा, अशी मागणी नागरिक करत आहेत.

--------------------

व्यवसायांसह अनेक ठिकाणचे बाजारही सुरू झाले आहेत. राज्य शासनाने निर्बंध शिथिल केले असून, जिल्हयातही कोरोना नियंत्रणात असल्याने कुंभीटोला येथील आठवडी बाजार सुरू करावा.

- धम्मदीप हिरामण मेश्राम,

(बोळदे)

==============

आठवडी बाजार बंद असल्यामुळे आमच्या हातचा रोजगार गेला आहे. आता सर्व काही सुरू झाले असताना, कुंभीटोला येथील आठवडी बाजार सुरू करून आमच्या व्यवसायाला चालना द्यावी.

आर. एस. शेंडे, भाजीपाला विक्रेता (बाराभाटी)