राज्य उत्पादन शुल्क विभागाच्या अवैध दारू अड्ड्यावर धाडी

गोंदिया : राज्य उत्पादन शुल्क विभागाच्या गोंदिया व देवरी येथील भरारी पथकाने आज (दि. ३) शनिवारला रोजी अवैध मोहफूल व देशी दारू विक्रीच्या अड्ड्यावर धाड घालून १५ गुन्हे दाखल केले आहेत. या प्रकरणात १ लाख ४१ हजार ७६२ रुपयांचा माल जप्त करण्यात आला आहे. राज्य उत्पादन शुल्क विभाग, गोंदिया ग्रामीण व शहरच्या दुय्यम निरीक्षकांनी भुराटोला येथे ३२० २२ देशी दारूच्या बाटल्या, टेकाबेदर येथून २५ देशी दारूच्या बाटल्या, भरारी पथकाने वडेगावातील निराधंना कोटांगले यांच्या घरून ६०० लिटर मोहफुलाचा सडवा व २५ लिटर मोहफुलाची दारू, तर हिवाकांता कोटांगले यांच्या घरुन ५००० लिटर मोहफुलाचा सडवा व ३० लिटर मोहफुलाची दारू असा १ लाख ४१ हजार ७६२ रुपयांचा माल जप्त केला. ही कारवाई राज्य उत्पादन शुल्क विभागाचे अधीक्षक प्रवीण तांबे यांच्या मार्गदर्शनात १५ गुन्हे दाखल करण्यात आले आहे.