ठार मारण्याची दिली धमकी

...................

झाड तोडून फेकणाऱ्यांनी दिली धमकी

गोंदिया : शहराच्या संजयनगर जोगलेकर वाॅर्डातील नर्गीस ऊर्फ राणी शेरअली सय्यद यांच्या दर्ग्यासमोर लावलेले झाड आरोपी आसीफ सरीफ शेख (४५) व अनिषा आसीफ शेख (४०) दोन्ही संजयनगर गोंदिया यांनी २८ ऑगस्ट रोजी त्यांच्या दर्ग्यासमोर लावलेले झाड तोडून टाकले. यासंदर्भात त्यांनी विचारणा केली असता आरोपींनी त्यांना शिवीगाळ करून मारण्याची धमकी दिली. तक्रारीवरून गोंदिया शहर पोलिसांनी आरोपीविरुद्ध भादंविच्या कलम ५०४, ५०६ अन्वये गुन्हा दाखल केला आहे, तर अनिषा आसीफ शेख यांच्या तक्रारीवरून राणी शेरअली सय्यद (४०) हिने शिवीगाळ करून ठार करण्याची धमकी दिली, म्हणून राणीविरुद्ध भादंवि कलम ५०४, ५०६ अन्वये गुन्हा दाखल केला आहे.

..........................

सोबत जाण्यास नकार देणाऱ्या तरुणीला मारहाण

गोंदिया : शहराच्या गौशाला वाॅर्डातील आरोपी शशांक विजयसिंग गहलोत (२३) याने माताटोली राजेंद्र वाॅर्डातील १९ वर्षांच्या तरुणीला २७ ऑगस्ट रोजी रात्री ८.३० वाजता आपल्या सोबत येण्यासाठी म्हटले होते. त्या दोघांत मैत्री असून, तिने रात्रीच्या वेळेस जाण्यास नकार दिल्यामुळे आरोपीने तिला शिवीगाळ करून थापडबुक्क्यांनी मारहाण केली. या घटनेसंदर्भात २८ ऑगस्ट रोजी रात्री गोंदिया शहर पोलिसांत भादंविच्या कलम ३२३, ५०४, ५०६ अन्वये गुन्हा दाखल केला आहे.

.......................

महिलेला मारहाण दोघांवर गुन्हा दाखल

गोंदिया : शहर पोलीस ठाण्यांतर्गत येणाऱ्या लालपहाडी मुर्री येथील पुष्पा बंडू नेवारे (४४) यांच्या मुलाला आरोपी राज लहरे (१८) व ओमकार लहरे (४८) या दोघांनी मारहाण केली. माझ्या मुलाला मारहाण का केली म्हणून विचारण्यासाठी गेलेल्या पुष्पा बंडू नेवारे या महिलेला २७ ऑगस्ट रोजी रात्री ८.३० वाजता दोन्ही आरोपींनी शिवीगाळ करीत थापडबुक्क्यांनी मारहाण केली. पुढे ठार करण्याची धमकी दिली. या घटनेसंदर्भात २८ ऑगस्ट रोजी गोंदिया शहर पोलिसांनी आरोपींविरुद्ध भादंविच्या कलम ३२३, ५०४, ५०६ अन्वये गुन्हा दाखल केला आहे.

..................