दुर्गा विसर्जनाकरीता गेलेल्या दोन सख्ख्या भावांसह तिघांचा तलावात बुडून मृत्यू

घटनेमुळे दमाहे व हिरापूरे कुटुंबियांवर दुःखाचे डोंगर कोसळले असून गावात शोकमय वातावरण आहे.

गोंदिया : तालुक्यातील सावरी/ लोधीटोला येथे १२ ऑक्टोबरला रात्री दुर्गा विसर्जनाकरीता गेलेल्या तीन युवकांचा तलावात बुडून मृत्यू झाल्याची घटना घडली.या घटनेची माहिती मिळताच आपत्ती निवारण शोध बचाव पथक घटनास्थळाकड गाठून शोध मोहिम राबविली गेली.

 रात्री १ वाजेच्या सुमारास तिन्ही युवकांचे मृतदेह शोधून काढले. या घटनेत आशिष फागुनला दमाहे(वय २१),अंकेश फागुलाल दमाहे(वय १९) या दोन भावंडासह यश गंगाधर हिरापुरे(वय १९)चा समावेश आहे. या घटनेमुळे दमाहे व हिरापूरे कुटुबियांवर दुःखाचे डोंगर कोसळले असून गावात शोकमय वातावरण आहे. घटनेची माहिती होताच गोंदियाचे आमदार विनोद अग्रवाल यांनी रात्रीलाच मृतक युवकांच्या घरी जात कुटुबियांचे सात्वन केले.