८० हजारांच्या दागिन्यांसह दोघांना अटक ()

गोंदिया : स्थानिक गुन्हे शाखेच्या पोलिसांनी सोन्याचे दागिने चोरणाऱ्या दोघांना अटक करण्यात आली. अटक करण्यात आलेल्या आरोपीत जय दिलीप खानोलकर (वय २०, रा. गांधी वार्ड, गोंदिया) व आतिश छगन मेश्राम (२१, रा. चुलोद, ता. जि. गोंदिया) या दोघांचा समावेश आहे.

जानेवारी महिन्यात १६ ते २० तारखेदरम्यान सहयोग कॉलनी गौरीनगर, गोंदिया परिसरातून एका बंद घराचे मागच्या दाराचे लॉक तोडून आलमारीमधून सोन्याची साखळी, अंगठी, कानातील रिंग, काही सामान आणि रोख रुपयाची चोरी केल्याचे सांगितले. या गुन्ह्यामध्ये चोरी केलेले सोने विकण्याकरिता अडचण येऊ नये म्हणून एका कारागिराकडून वितळवून त्याची लगड बनवून घेतली होती. सहयोग कॉलनी गौरीनगर, गोंदिया येथील नीलेश मारोतराव उईके यांच्या घरून चोरी केल्यासंदर्भात गोंदिया शहर पोलिसांत भादंविच्या कलम १७ जानेवारी रोजी गोंदिया शहर पोलिसांत भादंविच्या कलम ४५४, ४५७, ३८० अन्वये गुन्हा दाखल केला आहे. ही कारवाई स्थानिक गुन्हेशाखेचे पोलीस उपनिरीक्षक तेजेंद्र मेश्राम, पोलीस उपनिरीक्षक अभयसिंह शिंदे, सहायक फौजदार कापगते, बैस, पोलीस हवालदार राजेंद्र मिश्रा, भुवनलाल देशमुख, अर्जुन कावळे, पोलीस नायक महेश मेहर, रेखलाल गौतम यांनी केली आहे.