दवाखान्याच्या खर्चासाठी तरुणाने केली आत्महत्या

तो आपल्या गावी जातो म्हणून आपल्या बहिणीला व भाऊजीला सांगून २९ एप्रिल रोजी दुपारी २ वाजता वडेगाव बंध्या येथून निघाला होता. तो बहिणीच्या घरून निघाला; परंतु आपल्या घरी पोहोचलाच नाही. त्यामुळे त्याच्या नातेवाइकांनी सर्वत्र शोधाशोध केली. २ मे रोजी सकाळी ७.३० वाजता बाेळदे येथील शेतावर जाणाऱ्या मजुरांनी एका इसमाचा मृतदेह विहिरीत असल्याचे सांगितले. हेमराज कुंभरे (३५), रा. अर्जुनी-मोरगाव यांनी या संदर्भात केशोरी पोलिसांत तक्रार केली. दिनेश नारायण परतेकी (२१), रा. एकलपूर वडसा, जि. गडचिरोली याचा मागील आठवड्यात अपघात झाल्याने दवाखान्याच्या खर्चासाठी पैसे कुठून आणायचे, या चिंतेत तो होता. त्याने ही गोष्ट मनावर घेऊन बोळदे येथील विहिरीत उडी घेऊन आत्महत्या केली. केशोरी पोलिसांनी आकस्मिक मृत्यूची नोंद केली आहे. तपास पोलीस हवालदार निकाडे करीत आहेत.