दिलासादायक! कोरोनाच्या 'या' चार लसी माकडांवरील चाचणीदरम्यान ठरल्या प्रभावी

CoronaVirus News & Latest Updates : भारतात कोविड १९ वर मात करण्यासाठी स्वदेशी लस तयार करण्यावर  भर दिला जात आहे.

कोरोना व्हायरसशी सामना करण्यासाठी लस हा एकमेव उपाय सध्या दिसून येत आहे. आरोग्य मंत्रालयाने दिलेल्या माहितीनुसार भारतात हर्ड इम्युनिटीची स्थिती इतक्यात निर्माण होणार नाही. त्यासाठी लसीमार्फत इम्युनायजेशन करावे लागेल. जगभरातील देशांमधील जवळपास २५ लसी मानवी परिक्षणाच्या जवळ येऊन पोहोचल्या आहेत. भारतात कोविड १९ वर मात करण्यासाठी स्वदेशी लस तयार करण्यावर  भर दिला जात आहे.

दरम्यान नेदरलँड आणि अमेरिकेत  तयार होत असलेल्या लसीला मोठं यश मिळालं आहे. या लसीच्या सिंगल डोसने माकडांमधील कोरोनाचं संक्रमण पूर्णपणे रोखण्यास मदत झाली आहे. लसीकरण केल्यानंतर जवळपास सगळ्याच माकडांमध्ये एँटीबॉडीज तयार झाल्या होत्या. याशिवाय माकडांच्या फुफ्फुसांवरही इन्फेक्शन झालं नव्हतं.  सहापैकी ५ माकडांच्या नाकातील स्वॅबमध्येही व्हायरसचं संक्रमण दिसून आलं नाही. 

अमेरिका, ब्रिटेन आणि चीन या तिन्ही देशांच्या लसी सगळ्यात पुढे आहेत. या लसी चाचणीच्या एडवांस स्टेजमध्ये आहेत. कंपनी एक्स्ट्राजेनका आणि अमेरिकन कंपनी मॉडर्नाची लस अनेक देशांमध्ये तयार होऊ शकते. या दोन कंपन्यानी अनेक देशांसोबत लसीचा पुरवठा करण्याचा करार केला आहे. 'नेचर' जर्नलमध्ये छापण्यात आलेल्या माहितीनुसार ऑक्सफोर्ड युनिव्हर्सिटी आणि एक्स्ट्राजेनका  या लसी माकडांना कोरोना विषाणूंपासून वाचवण्यासाठी यशस्वी ठरल्या आहेत.  तसंच जॉनसन एँड जॉनसन या कंपनीच्या लसीचेही चांगले परिणाम दिसून येत आहेत.

आतापर्यत एकूण चार लसींचे माकडांवरील परिक्षणाचे सकारात्मक परिणाम दिसून आले आहेत. लंडनच्या इम्पेरिअल कॉलेजच्या लसीचे परिक्षण शेकडो लोकांवर सुरू आहे. सुरक्षिततेच्या दृष्टीने लहान समुहांवर परिक्षण करण्यात येत आहे. न्‍यूज एजेंसी एपीशी बोलताना प्राध्यापक डॉ. रॉबिन शॅटोक यांनी़ सांगितले की, सगळ्या लसींपैकी चाचणीदरम्यान कमीत कमी दोनतरी लसी अशा असतील ज्या परिणामकारक ठरतील.

दरम्यान कोरोनाच्या माहमारीतून बाहेर येण्यासाठी जगभरातील शास्त्रज्ञ प्रयत्न करत आहेत. फायनंशियल टाईम्सने दिलेल्या माहितीनुसार अमेरिकेतील कंपनी मॉडर्ना इंक लस तयार केल्यानंतर एका कोर्ससाठी ३ हजार ७०० रुपयांपासून ४ हजार ५०० रुपयांपर्यंत खर्च वसूल करेल अशी योजना आखली जात आहे. फायजर कंपनी आणि बायोटेक कंपनीच्या तुलनेत मॉडर्ना लसीची किंमत खूप जास्त आहे. जवळपास ८०० रुपयांनी अधिक किंमत मोजावी लागणार आहे. मॉडर्ना कंपनीच्या लसीच्या दोन डोससाठी जवळपास ३ हजार ७०० ते ४ हजार ५०० इतका खर्च लागू शकतो.

कोरोना व्हायरसबाबत WHO चा पुन्हा इशारा, तरूणांना दिला 'हा' सल्ला!

रोगप्रतिकारकशक्ती वाढवण्यासाठी  FSSI दिल्या 'या' टिप्स; कोरोनाशी लढण्यासाठी ठरतील प्रभावी