डायटिशिअननुसार लिव्हरची सफाई करण्याचे 3 नॅचरल उपाय, कधीच होणार नाही काही समस्या! 

Natural Way to Liver Detox : लिव्हर डिटॉक्स करणं म्हणजे लिव्हर साफ करणं फार महत्वाचं ठरतं. हे काम तुम्ही घरीच नॅचरल पद्धतीने करू शकता.

Natural Way to Liver Detox : लिव्हर शरीरातील सगळ्यात मोठ्या अवयवांपैकी असतं आणि शरीरातील कितीतरी कामे लिव्हरच्या माध्यमातून केली जातात. शरीरातील विषारी पदार्थ बाहेर काढण्यास लिव्हर मदत करतं. पण अधिक मद्यसेवन किंवा चुकीच्या पदार्थांचं सेवन केल्याने लिव्हरवर जास्त दबाव पडतो. त्यामुळे लिव्हरमध्ये अनेक विषारी पदार्थ अडकून असतात. ज्यामुळे पुढे लिव्हर खराब होऊ शकतं. अशात लिव्हर डिटॉक्स करणं म्हणजे लिव्हर साफ करणं फार महत्वाचं ठरतं. हे काम तुम्ही घरीच नॅचरल पद्धतीने करू शकता. डायटिशिअन श्वेता शहा पांचाळ यांनी लिव्हर साफ करण्याचे 3 नॅचरल उपाय सांगितले आहेत.

पपईच्या बीया

पिकलेल्या पपईच्या बीया खाल्ल्याने शरीरातील विषारी पदार्थ बाहेर पडतात. लिव्हर साफ करण्यासाठी या बीया फार महत्वाची भूमिका बजावतात. त्यामुळे यापुढे तुम्ही कधी पपई घरी आणली तर त्यातील बीया अजिबात फेकू नका. पपईच्या बीया सुकवा त्या रोस्ट करून खाऊ शकता. तसेच तुम्ही या बियांचं पावडर तयार करून सकाळी रिकाम्या पोटी पाण्यासोबत 30 दिवस सेवन करा. याने तुमचं लिव्हर पूर्णपणे साफ होईल. 

दिनचर्या

जर तुम्ही दिनचर्याच चुकीचं असेल तर लिव्हरवर याचा फार वाईट प्रभाव पडतो. लिव्हर निरोगी ठेवण्यासाठी तुम्ही सूर्य उगवण्याच्या एक तास आधी झोपेतून उठा. दुपारचं जेवण तुम्ही 12 ते 1 वाजताच्या दरम्यान करा. रात्रीचं जेवण तुम्ही 7 वाजताच्या आत केलं पाहिजे आणि 10 वाजताच्या आत तुम्ही झोपायला हवं. 

उपवास

लिव्हर हा फारच शक्तीशाली असा अवयव असतो. त्यामुळे कितीही काहीही खाल्लं तरी लिव्हर सगळं काही डायजेस्ट करतो. सतत आपण काहीना काही खात असल्याने लिव्हरला स्व:तावर काम करण्यासाठी वेळच नसतो. लिव्हर आराम मिळावा म्हणून तुम्ही आठवड्यातून निदान एक दिवस उपवास करू शकता. याने लिव्हर निरोगी आणि साफही राहील.

लिव्हरची शरीरातील कामे

शरीरातील रक्त शुद्ध करण्याची मोठी जबाबदारी लिव्हरवर असते. लिव्हर शरीरातील विषारी पदार्थ बाहेर काढतं. पण या कामात लिव्हरवर खूप जास्त दबाव तयार होतो आणि हळूहळू त्याचं काम कमजोर होतं. यामुळे फॅटी लिव्हर, फेलिअर आणि कॅन्सरही होऊ शकतो. अशात रिकाम्या पोटी काही ड्रिंक्स पिऊन तुम्ही लिव्हर स्वच्छ करू शकता. ज्याला लिव्हर डिटॉक्स म्हणतात.

लिव्हर खराब होण्याचं कारण

दारूचं जास्त सेवन केल्याने लिव्हर जास्त खराब होतं असं सगळ्यांना वाटतं. हे एक कारण आहेच. पण असं अजिबात नाही की, फक्त दारू पिऊन लिव्हर खराब होतं. दारू न पिताही लिव्हर खराब होऊ शकतं.