'या' उपायाने ४५ टक्क्यांनी कमी होतोय जीवघेण्या व्हायरसचा धोका, संशोधनातून खुलासा

CoronaVirus News & Latest Updates : मास्क वापरल्याने कोरोना संसर्गाचे प्रमाण ४५ टक्क्यांनी कमी होऊ शकते.

संपूर्ण जग सध्या कोरोना साथीच्या आजाराशी झुंज देत आहे आणि आत्तापर्यंत कोट्यवधी लोकांना आपला जीव गमवावा लागला आहे. जगभरातील देशातील सरकारने संक्रमण कमी करण्यासाठी अनेक सार्वजनिक उपाय योजना राबवल्या आहेत. परंतू पुन्हा एकदा कोरोना संसर्गाला वेग आला आहे. हेच कारण आहे की सरकार लोकांना सतत सार्वजनिक ठिकाणी व वाहनांवर असताना मास्क घालण्याचा आग्रह करत आहे जेणेकरून संसर्ग थांबवता येईल. आता एका संशोधनातही हे सिद्ध झाले आहे की मास्क वापरल्याने कोरोना संसर्गाचे प्रमाण ४५ टक्क्यांनी कमी होऊ शकते.

जर्मनीमधील एका अभ्यासानुसार फेस मास्कचा वापर अनिवार्य केल्यास कोरोनाचा संसर्ग वाढण्यापासून रोखता येऊ शकतं. मास्क कोरोना रोखण्यासाठी प्रभावी असल्याचे दिसून आले. यामुळेच जर्मनीने फेस मास्कचा वापर अनिवार्य केला आहे. अमेरिकेच्या नॅशनल अकॅडमी ऑफ सायन्सेस या संस्थेने केलेल्या संशोधनात प्रकाशित केलेल्या नवीन शोधपत्रात असे दिसून आले आहे की कोणत्याही जर्मन प्रदेशात फेस मास्क वापरल्यानंतर २० दिवसानंतर त्या प्रदेशात नवीन कोविड -१९ संक्रमणाच्या केसेसमध्ये ४५ टक्के कमतरता दिसून आली आहे.

चिंताजनक! कोरोना संक्रमणामुळे वाढतोय 'या' ६ आजारांचा धोका; तज्ज्ञांनी सांगितलं कारण

यावरून असा निष्कर्ष काढला गेला आहे की चेहरा मुखवटा कोरोना विषाणूचा सामना करण्यासाठी एक स्वस्त आणि प्रभावी माध्यम आहे. जेव्हा इतर सार्वजनिक आरोग्य उपायांपेक्षा याची किंमत लक्षणीयरीत्या कमी होते तेव्हा हे विशेषतः महत्वाचे ठरले  होते.  या अभ्यासामध्ये नमूद केले आहे की, ''आम्ही ज्या क्षेत्राचा विचार करतो त्या क्षेत्राच्या आधारे, आम्हाला असे आढळले आहे की फेस मास्कचा वापर केल्यामुळे त्या भागातील नव्याने संक्रमित रूग्णांमध्ये २० दिवसात १५ ते ७५ टक्क्यांनी संक्रमितांची कमतरता आढळून आली आहे. संख्या कमी केली आहे." 

हिवाळ्यात मेथीच्या सेवनाचे 'हे' ७ फायदे वाचून व्हाल अवाक्, आजारांपासून लांब राहण्याचा सोपा फंडा

दरम्यान कोरोनाच्या संक्रमणाबाबत नवीन संशोधन समोर आलं आहे. सायंटिफिक रिपोर्ट्स या जर्नलमध्ये हा अभ्यास प्रसिद्ध झाला आहे.  सोशल डिस्टेंसिंगच्या नियमांचे पालन अनेक ठिकाणी पूर्णपणे होताना दिसून येत नाही. सार्वजनिक ठिकाणी सोशल डिस्टेंसिंग पाळलं जात असलं  तरी घरी तेवढ्या प्रमाणात लोक सोशल डिस्टेंसिंग पाळत नाहीत. अशावेळी  एरोसोलमध्ये असलेल्या कोरोना व्हायरसला मारण्यासाठी अल्ट्राव्हायोलेट लायटिंगचा C (UVC) उपयोग होऊ शकतो असं नव्या संशोधनातून  दिसून आलं आहे.

सूक्ष्मजीवांना मारण्यासाठी अनेक वर्षांपासून यूव्हीसी प्रक्रिया वापरली जाते पण त्यामुळे मोतीबिंदू किंवा त्वचेचा कॅन्सर होण्याचा धोका असतो.  मात्र त्या तुलनेत कमी क्षमतेची  far-ultraviolet C (UVC) सुरक्षित असल्याचे पुरावे संशोधकांना सापडले आहेत. कमी क्षमतेचं फार-अल्ट्राव्हायोलेट लायटिंग C (UVC) वापरल्यास खोलीतील हवा निर्जंतुक करता येऊ शकते ज्यामुळे रुममध्ये व्हेंटिलेशनमुळे होणाऱ्या निर्जंतुकीकरणाच्या तुलनेत ५० ते ८५  टक्क्यांची वाढ होऊ शकते असं कॉम्प्यूटेशनल मॉडेलिंगच्या माध्यमातून दिसून आलं आहे.